ସିଦ୍ଧାର୍ଥଙ୍କ ଇଚ୍ଛାକୁ ପୂରଣ କରିବେ ପରିବାର ଲୋକେ

ପ୍ରସିଦ୍ଧ ଟିଭି ଅଭିନେତା ତଥା ବିଗ୍ ବସ୍ ୧୩ ର ବିଜେତା ସିଦ୍ଧାର୍ଥ ଶୁକ୍ଲା ଏବେ ବି ଲକ୍ଷ ଲକ୍ଷ ଲୋକଙ୍କ ହୃଦୟରେ ଜୀବିତ ଅଛନ୍ତି । ସିଦ୍ଧାର୍ଥଙ୍କ ସମ୍ପର୍କୀୟ ହୁଏତ ତାଙ୍କ ବିନା ବଞ୍ଚିବା ଶିଖିଥାଇ ପାରନ୍ତି, କିନ୍ତୁ ତାଙ୍କ ସ୍ମୃତିକୁ ଏବେ ଯାଏଁ ଭୁଲି ନାହାଁନ୍ତି। ଏବେ ଅଭିନେତାଙ୍କୁ ନେଇ ଏକ ବଡ ସୂଚନା ସାମ୍ନାକୁ ଆସିଛି। କୁହାଯାଉଛି ଯେ ଅଭିନେତାଙ୍କ ଜନ୍ମଦିନରେ ତାଙ୍କ ପରିବାର ତାଙ୍କ ଶେଷ ଇଚ୍ଛା ପୂରଣ କରିବାକୁ ଯାଉଛନ୍ତି।

ସିଦ୍ଧାର୍ଥଜଣେ ମଡେଲ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଟେଲିଭିଜନ୍ ଶୋ “ବାବୁଲ୍ କା ଆଙ୍ଗନ୍ ଛୁଟେ ନା” ରେ ମୁଖ୍ୟ ଭୂମିକାରେ ଅଭିନୟ ଆରମ୍ଭ କରିଥିଲେ। ସେ ‘ଝଲକ ଦିଖଲା ଜା ୬’, ‘ଫିୟର୍ ଫ୍ୟାକ୍ଟର: ଖତ୍ରୋଁ କେ ଖିଲାଡି ୭’ ଏବଂ ‘ବିଗ୍ ବସ୍ ୧୩’ ସମେତ ରିଅଲିଟି ଶୋ’ରେ ମଧ୍ୟ ଅଭିନୟ କରିଥିଲେ। ସେ ବିଗ୍ ବସ୍ ର ବିଜେତା ହୋଇଥିଲେ। ଏହା ବ୍ୟତୀତ ସେ ଖତ୍ରୋଁ କେ ଖିଲାଡିର ସପ୍ତମ ସିଜନର ମଧ୍ୟ ବିଜେତା ହୋଇଥିଲେ।