ଏବେ ମେସେଜ୍ ଫରଓ୍ବାର୍ଡ ଉପରେ ଲାଗିଲା ଲଗାମ୍

ନୂଆଦିଲ୍ଲୀ : ହ୍ବାଟସ୍ ଆପ୍ ଏବଂ ସୋସିଆଲ ମିଡିଆ ଉପରେ କରୋନା ଭାଇରସକୁ ନେଇ ଗୁଜବ ପ୍ରଚାର ହେବା ନେଇ ହ୍ବାଟସ୍ ଆପ୍ ଏକ ବଡ ନିଷ୍ପତ୍ତି ନେଇଛି। ତେବେ ମେସେଜ ପଠାଇବାକୁ ସୀମିତ କରିଦେଇଛି ହ୍ବାଟସ୍ ଆପ୍ । ଏବେ ହ୍ବାଟସ୍ ଆପ୍ ବ୍ୟବହାରକାରୀମାନେ ଏକ ସମୟରେ କେବଳ ଜଣେ ଉପଭୋକ୍ତାଙ୍କୁ ଏକ ମେସେଜ ପଠାଇପାରିବେ। ପୂର୍ବରୁ ଏକ ସମୟରେ ପାଞ୍ଚ ଜଣଙ୍କୁ ମେସେଜ ପଠାଇବା ପାଇଁ ଏକ ସୁବିଧା ଥିଲା, ଯଦିଓ ଏହି ଫିଚର ଗୋଟିଏ ଅପଡେଟ୍ ପରେ ହିଁ ଆକ୍ଟିଭ୍ ହେବ।

ବାସ୍ତବରେ ସୋସିଆଲ ମିଡିଆରେ କରୋନା ଭାଇରସ ବିଷୟରେ ସମସ୍ତ ପ୍ରକାରର ନକଲି ଖବର ସେୟାର କରାଯାଉଛି। ଯାହା ଟ୍ୱିଟର, ଗୁଗୁଲ ଏବଂ ଫେସବୁକ ଭଳି କମ୍ପାନୀ ପାଇଁ ଏକ ଚ୍ୟାଲେଞ୍ଜ ଅଟେ। ଏହାକୁ ଧ୍ୟାନରେ ରଖି ଫେସବୁକ୍ ମାଲିକାନା କମ୍ପାନୀ ହ୍ବାଟସ୍ ଆପ୍ ମେସେଜ୍ ଫରୱାର୍ଡ ପାଇଁ ଏକ ନୂତନ ସୀମା ସ୍ଥିର କରିଛି, ଯାହା ଅନୁଯାୟୀ ଆପଣ ଏକ ସମୟରେ କେବଳ ଜଣେ ବ୍ୟକ୍ତିଙ୍କ ନିକଟକୁ ମେସେଜ୍ ପଠାଇ ପାରିବେ। ଏହାପୂର୍ବରୁ ଫେସବୁକ ମଧ୍ୟ ଏହାର ପ୍ଲାଟଫର୍ମରେ ମିଥ୍ୟା ଖବରକୁ ରୋକିବା ପାଇଁ ଏଭଳି ନିଷ୍ପତ୍ତି ନେଇଛି। ଏଥି ସହିତ ଗୁଗୁଲ ମଧ୍ୟ ମିଥ୍ୟା ଖବରକୁ ଫ୍ଲାଗ୍ କରୁଛି। ଏହା ବ୍ୟତୀତ ମାଇକ୍ରୋ-ବ୍ଲଗିଂ ସାଇଟ୍ ଟ୍ୱିଟର ମଧ୍ୟ ମିଥ୍ୟା ଖବରକୁ ରୋକିବା ପାଇଁ ଫିଲ୍ଟର କରୁଛି ।

ହ୍ବାଟସ୍ ଆପ୍ ଏହି ନିଷ୍ପତ୍ତି ବହୁ ପ୍ରଶଂସା ପାଇବାରେ ଲାଗିଛି। କୁହାଯାଏ ଯେ କମ୍ପାନୀର ଏହି ନିଷ୍ପତ୍ତି ସ୍ୱାଗତଯୋଗ୍ୟ। ଏହା ନିଶ୍ଚିତ ଭାବରେ ମିଥ୍ୟା ଖବରକୁ ରୋକିବ । ସମଗ୍ର ବିଶ୍ୱରେ ହ୍ବାଟସ୍ ଆପରେ ଦୁଇ ବିଲିୟନରୁ ଅଧିକ ସକ୍ରିୟ ଉପଭୋକ୍ତା ଥିବାବେଳେ ଭାରତରେ ୪୦୦ ମିଲିୟନରୁ ଅଧିକ ଲୋକ ହ୍ବାଟସ୍ ଆପ୍  ବ୍ୟବହାର କରୁଛନ୍ତି।