ଭାରତର ଉଦବେଗ ସତ୍ତ୍ୱେ ଚୀନର ‘ଗୁଇନ୍ଦା’ ଜାହାଜକୁ ଅନୁମତି ଦେଲା ଶ୍ରୀଲଙ୍କା
ଚାଇନାର ‘ଗୁଇନ୍ଦା’ ଜାହାଜ କୁହାଯାଉଥିବା ୟୁଆନ୍ ୱାଙ୍ଗ-୫ ମଙ୍ଗଳବାର ଶ୍ରୀଲଙ୍କାର ହାମ୍ବାନତୋଟା ବନ୍ଦରରେ ପହଞ୍ଚିଛି। ବିଶେଷ କଥା ହେଉଛି ଭାରତ ଏବଂ ଆମେରିକା ଏ ବିଷୟରେ ଚିନ୍ତା ପ୍ରକଟ କରିସାରିଛନ୍ତି। ସୂଚନା ମୁତାବକ, ସାଟେଲାଇଟ୍ ଏବଂ ଇଣ୍ଟରକଣ୍ଟିନେଣ୍ଟାଲ୍ କ୍ଷେପଣାସ୍ତ୍ର ଟ୍ରାକିଂ ସୁବିଧା ସହିତ ସଜ୍ଜିତ ଏହି ଜାହାଜ ଅଗଷ୍ଟ ୨୨ ପର୍ଯ୍ୟନ୍ତ ହାମ୍ବାନତୋଟା ବନ୍ଦରରେ ରହିବ।
ଏହାପୂର୍ବରୁ ଶ୍ରୀଲଙ୍କା ଏହି ଜାହାଜକୁ ବନ୍ଦରକୁ ଆସିବାକୁ ଅନୁମତି ଦେଇ ନଥିଲା। ତେବେ ଚୀନ୍ର ବିରୋଧ ପରେ ଏହାକୁ ଅନୁମତି ଦିଆଯାଇଥିଲା। ଏହାପୂର୍ବରୁ ଏହି ଜାହାଜ ୧୧ ରୁ ୧୭ ଅଗଷ୍ଟ ମଧ୍ୟରେ ହାମ୍ବାନତୋଟା ଠାରେ ପହଞ୍ଚିବାର ଥିଲା ।
ଚାଇନା ତରଫରୁ ଦିଆଯାଇଥିବା ବିପୁଳ ପରିମାଣର ୠଣରେ ବିକଶିତ ହୋଇଥିବା ହାମ୍ବାନତୋଟା ବନ୍ଦର ଏହାର ଅବସ୍ଥାନ ଯୋଗୁଁ ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ | ଭାରତ କହିଛି ଯେ ସୁରକ୍ଷା ଏବଂ ଅର୍ଥନୈତିକ ସ୍ୱାର୍ଥ ସହ ଜଡ଼ିତ କୌଣସି ଗତିବିଧି ଉପରେ ଏହା ତୀକ୍ଷ୍ଣ ନଜର ରଖିଛି। ତେବେ ଭାରତ ପାଇଁ ଉଦବେଗର ବିଷୟ ହେଉଛି ଚାଇନାର ଏହି ଜାହାଜ ସାଟେଲାଇଟ୍ ଏବଂ ଇଣ୍ଟରକଣ୍ଟିନେଣ୍ଟାଲ୍ କ୍ଷେପଣାସ୍ତ୍ରକୁ ଟ୍ରାକିଂ ସିଷ୍ଟମ ସହ ସଜ୍ଜିତ।
ଜାହାଜର ଟ୍ରାକିଂ କ୍ଷମତା ଭାରତୀୟ ସିଷ୍ଟମ ଉପରେ ଗୁପ୍ତଚର କାର୍ଯ୍ୟ କରିପାରେ ବୋଲି ଭାରତର ଚିନ୍ତା ବଢିଯାଇଛି। ଭାରତ ମହାସାଗରରେ ଚୀନ୍ ଜାହାଜର ଉପସ୍ଥିତିକୁ ବିରୋଧ କରିଆସିଛି ।