Odia News Portal

ହବନି ଜିରୋ ନାଇଟ ସେଲିବ୍ରେସନ

ଗତବର୍ଷ ପରି ଏଥର ବି ଜମିବନି ଜିରୋ ନାଇଟ ସେଲିବ୍ରେସନ । ଓମିକ୍ରନକୁ ଦୃଷ୍ଟିରେ ରଖି ଜିରୋ ନାଇଟ ସେଲିବ୍ରେସନକୁ ମନା ।
ନା ହେବ ନା ଭୋଜି ନା ବାଜିବ ଡିଜେ । ରଙ୍ଗୀନ ଆଲୁଅରେ ନାଚି, ଗାଇ ନୂଆବର୍ଷ ୨୦୨୨କୁ କରି ହେବନି ସ୍ବାଗତ । କାରଣ କରୋନା ସଂକ୍ରମଣକୁ ଚେକ୍ ଦେବାକୁ ରାଜ୍ୟ ସରକାର ନେଇଛନ୍ତି ଆଗୁଆ ପଦକ୍ଷେପ । ଜିରୋନାଇଟ୍ ସେଲିବ୍ରେସନ ଓ ନୂଆବର୍ଷ ସେଲିବ୍ରିସନ ପାଇଁ ଜାରି ହେଲା ସ୍ବତନ୍ତ୍ର ମାର୍ଗଦର୍ଶିକା । ସାମୁହିକ ଉତ୍ସବ ପାଳନ ଉପରେ ଲାଗିଲା କଟକଣା ।
ଭୁବନେଶ୍ବର, କଟକ, ସମ୍ବଲପୁର ସମେତ ରାଜ୍ୟର ପ୍ରମୁଖ ସହରରେ କଟକଣା ଲାଗୁ ହୋଇଛି । ହୋଟେଲ, ପବ୍ଲିକ୍ ଓ ବିଭିନ୍ନ ପାର୍କରେ ନୂତନ ବର୍ଷ ପାଳନକୁ ନିଷେଧ କରାଯାଇଛି । ନନ୍ଦନକାନନ ସହିତ ପ୍ଲାନେଟୋରିୟମ୍ ଓ ଧାର୍ମିକ ଅନୁଷ୍ଠାନରେ ସର୍ବସାଧାରଣଙ୍କ ପ୍ରବେଶ ଉପରେ ଲାଗିଛି କଟକଣା । ପୂର୍ବ ଘୋଷଣା ଅନୁଯାୟୀ ଆଜିଠୁ ୨ ତାରିଖ ପ୍ରଯ୍ୟନ୍ତ ଶ୍ରୀମନ୍ଦିର ବନ୍ଦ ରହିବ । ଭୁବନେଶ୍ବରରେ ସମସ୍ତ ଧାର୍ମିକ ଅନୁଷ୍ଠାନ ବନ୍ଦ ରଖିବାକୁ ନିଷ୍ପତ୍ତି ନେଇଛି ବିଏମସି । ପରିସ୍ଥିତି ଉପରେ ନଜର ରଖିବାକୁ ଗଠନ ହୋଇଛି ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ । ଆଇନ ଉଲ୍ଲଂଘନ କଲେ ହେବ କଠୋର କାର୍ୟ୍ୟାନୁଷ୍ଠାନ । କଟକରେ ଏଣ୍ଟ୍ରି, ଏକ୍ଜିଟ ଓ ପ୍ରତିଟି ସ୍ଥାନରେ ମୁତୟନ ହେବେ ପୋଲିସ । ଜିଲ୍ଲାର କୌଣସି ସ୍ଥାନରେ ନୂଆବର୍ଷ ଉତ୍ସବ, ଅର୍କେଷ୍ଟ୍ରା, ନାଚଗୀତ, ସାଂସ୍କୃତିକ କାର୍ୟ୍ୟକ୍ରମ, ଭୋଜିଭାତ ପାଳନ ନ କରିବାକୁ ଜିଲ୍ଲାପାଳ ଏକ ଏସୋପି ଜାରି କରିଛନ୍ତି ।