୧୦୦ ବଲିଉଡ୍ ଡ୍ୟାନ୍ସରଙ୍କୁ ସାହାଯ୍ୟର ହାତ ବଢ଼ାଇଲେ ହ୍ରିତିକ୍
ମୁମ୍ୱାଇ : କରୋନା ଭାଇରସ୍ କାରଣରୁ ଦୁନିଆ ଲକ୍ ହୋଇ ଯାଇଛି । ଅନେକ ବ୍ୟବସାୟ ସହ ଏଣ୍ଟରଟେନ୍ମେଣ୍ଟ ଇଣ୍ଡଷ୍ଟ୍ରୀ ମଧ୍ୟ ଲକ୍ ଡାଉନ୍ର ସମସ୍ୟାରେ ପଡ଼ିଯାଇଛି । ଏହି କଠିନ ସମୟରେ ଅଭିନେତା ହ୍ରିତିକ୍ ରୋଶନ ସାହାଯ୍ୟର ହାତ ବଢ଼ାଇଛନ୍ତି । ୧୦୦ଜଣ ବଲିଉଡ୍ ଡ୍ୟାନ୍ସରଙ୍କ ଆକାଉଣ୍ଟରେ ଅର୍ଥ ଜମା କରିଛନ୍ତି । ଯେଉଁମାନଙ୍କ ସହ ସେ ଅତୀତରେ ଅନେକ ସ୍ଥାନରେ କାମ କରିଛନ୍ତି।
ବର୍ତ୍ତମାନ ସବୁ ପ୍ରୋଜେକ୍ଟ ବନ୍ଦ ରହିଛି ଏବଂ ଏଥିରେ କାମ କରୁଥିବା ଲୋକେ ଓ ଡ୍ୟାନ୍ସରମାନେ ଅଧିକ ପ୍ରଭାବିତ ହୋଇଛନ୍ତି।
ବଲିଉଡ୍ ଗୀତର ଡ୍ୟାନ୍ସର କୋର୍ଡିନେଟର ରାଜ ସୁରାନୀ ସେୟାର କରିଛନ୍ତି , “ହ୍ରିତିକ୍ ରୋଶନ ଏହି କଠିନ ସମୟରେ ୧୦୦ଜଣ ଡ୍ୟାନ୍ସରଙ୍କୁ ସହାୟତା କରିଛନ୍ତି । ଏଥିରୁ ଅନେକ ନିଜର ଗାଁ ଫେରି ଯାଇଛନ୍ତି । କିଛି ଲୋକ ଘର ଭଡ଼ା ଦେବାକୁ ଅସମର୍ଥ ହୋଇଛନ୍ତି ଏବଂ ଆଉ ଜଣେ ଡ୍ୟାନ୍ସରର ପରିବାର କୋଭିଡ-୧୯ ପଜିଟିଭ ଆସିଥିଲା । ଏହି ପରିସ୍ଥିତିରେ ସମସ୍ତଙ୍କ ପାଇଁ ହ୍ରିତିକ୍ ରୋଶନ ବହୁତ ମହତ୍ତ୍ୱପୂର୍ଣ୍ଣ ସାବ୍ୟସ୍ତ ହୋଇଛନ୍ତି । ବ୍ୟାକ୍ଗ୍ରାଉଣ୍ଡ ଡ୍ୟାନ୍ସରମାନେ ବହୁତ ଖୁସି ଥିଲେ ଯେବେ ତାଙ୍କୁ ମେସେଜ୍ ମିଳିଲା , ଯେଉଁଥିରେ ଲେଖା ଥିଲା ହ୍ରିତିକ୍ ରୋଶନଙ୍କ ଦ୍ୱାରା ତାଙ୍କୁ ବ୍ୟାଙ୍କ ଆକାଉଣ୍ଟରେ ଅର୍ଥ ଟ୍ରାନ୍ସଫର କରାଯାଇଛି । କୋଭିଡ ସଙ୍କଟ ସମୟରେ ତାଙ୍କର ସମର୍ଥନ ପାଇଁ ସବୁ ଡ୍ୟାନ୍ସର ବହୁତ କୃତଜ୍ଞ ରହିବେ । “
ଏହି ଡ୍ୟାନ୍ସରମାନେ ନିଜର ସୋସିଆଲ୍ ମିଡ଼ିଆ ଆକାଉଣ୍ଟରେ ଏହି ସମର୍ଥନ ପାଇଁ ସୁପରଷ୍ଟାରଙ୍କୁ ଧନ୍ୟବାଦ କହିଛନ୍ତି । ଯେବେ ଠାରୁ କରୋନା ମହାମାରୀ ଆତଙ୍କ ଖେଳାଇଛି , ସେବେଠାରୁ ହ୍ରିତିକ୍ ଦାନ କରୁଛନ୍ତି ।