ଜାଣନ୍ତୁ ଗୁଗଲ୍ର ଡୁଡଲ୍ରେ ଥିବା ବ୍ୟକ୍ତି ଜଣଙ୍କ କିଏ ?

ଭୁବନେଶ୍ୱର(ସ୍ୱାଧିକାର) ଉର୍ଦ୍ଦୁ ଶାୟର୍ କୈଫି ଆଜମୀଙ୍କର ଆଜି ହେଉଛି ୧୦୧ତମ ଜନ୍ମଦିନ। ଏହି ଅବସରରେ ସାରା ଦେଶର ପ୍ରଶଂସକମାନେ ତାଙ୍କୁ ମନେ ପକାଉଛନ୍ତି। ଗୁଗଲ୍ ମଧ୍ୟ ତାଙ୍କ ସମ୍ମାନରେ ତାଙ୍କ ଫଟୋର ଡୁଡଲ୍ ବନାଇ ତାଙ୍କୁ ଜନ୍ମଦିନର ଶୁଭେଚ୍ଛା ଦେଇଛି। ଗୁଗଲ୍ ରଖିଥିବା ଫଟୋରେ କୈଫି ଏକ ଧଳା କୁର୍ତ୍ତା ପିନ୍ଧି ଶାୟରୀ ପଢ଼ୁଥିବା ଦେଖିବାକୁ ମିଳିଛି।

ପ୍ରେମ କବିତାଠୁ ଆରମ୍ଭ କରି ପଟକଥା ଓ ବଲିଉଡ୍ ଗୀତ ଲେଖିବାରେ ସେ ମାହିର୍ ଥିଲେ। ବିଂଶ ଶତାବ୍ଦୀର ପ୍ରସିଦ୍ଧ କବିମାନଙ୍କ ମଧ୍ୟରୁ ସେ ଥିଲା ଅନ୍ୟତମ। କୈଫି ନିଜର ପ୍ରଥମ କବିତା ମାତ୍ର ୧୧ ବର୍ଷ ବୟସରେ ଲେଖିଥିଲେ।

ସେ ଅନେକ ପୁରସ୍କାର ପାଇଥିଲେ। ସେଥିରେ ଥିଲା ଫିଲ୍ମ ଫେୟାର୍ ପୁରସ୍କାର, ସାହିତ୍ୟ ଓ ଶିକ୍ଷା ପାଇଁ ପ୍ରଦ୍ମଶ୍ରୀ ପୁରସ୍କାର, ଜାତୀୟ ଚଳଚ୍ଚିତ୍ର ପୁରସ୍କାର, ସାହିତ୍ୟ ଏକାଡେମୀ ସମ୍ମାନ ଓ ସାହିତ୍ୟ ଏକାଡେମୀ ଫେଲୋଶିପ୍। କେବଳ ଏତିକି ନୁହେଁ, ତାଙ୍କ ସମ୍ମାନରେ ସରକାର ‘ଖୟାମ ଏକ୍ସପ୍ରେସ’ ନାମକ ଏକ ଟ୍ରେନ୍ ମଧ୍ୟ ବାହାର କରିଥିଲେ। ଏହି ଟ୍ରେନ୍ ତାଙ୍କ ଜନ୍ମସ୍ଥାନ ଆଜମଗଡ଼ରୁ ଦିଲ୍ଲୀକୁ ଚାଲୁଛି।