ଗୋଟିଏ ରାତି ପାଇଁ କୋଟିଏ ଟଙ୍କା

ତାମିଲ ଫିଲ୍ମ ‘ଅକ୍ସିଜେନ୍’ ଏବଂ ‘ଜେମ୍ସବଣ୍ଡ୍’ରେ ଅଭିନୟ କରିଥିବା ଅଭିନେତ୍ରୀ ସାକ୍ଷୀ ଚୌଧୁରୀ ଏବେ ନିଜର ଏକ ମ୍ୟୁଜିକ୍ ଭିଡିଓକୁ ନେଇ ସୋଶାଲ ମିଡିଆରେ ଟ୍ରୋଲ୍ ହେଉଛନ୍ତି।
କିଛି ଦିନ ତଳେ ମଧ୍ୟ ସାକ୍ଷୀ ଏକ ଭିଡ଼ିଓ ଶେଆର କରିଥିଲେ। ଯେଉଁଥି ପାଇଁ ଏବେ ତାଙ୍କୁ ଟ୍ରୋଲ ହେବାକୁ ପଡ଼ିଛି । ସାକ୍ଷୀଙ୍କ ଭିଡିଓ ଦେଖିବା ପରେ ଲୋକେ ତାଙ୍କ ଭିଡିଓକୁ ନେଇ ନକାରାତ୍ମକ ମନ୍ତବ୍ୟ ଦେବା ଆରମ୍ଭ କରିଦେଇଛନ୍ତି। ଏହାସହ କିଛି ଲୋକ ସାକ୍ଷୀଙ୍କୁ ଆପତ୍ତିଜନକ ଡିମାଣ୍ଡ ଲେଖି ପଠାଉଥିବା ସାକ୍ଷୀ ସୋଶାଲ ମିଡିଆ ଜରିଆରେ ଜଣାଇଛନ୍ତି।
ରିପୋର୍ଟ୍ ମୁତାବକ ସାକ୍ଷୀଙ୍କ ଆଗାମୀ ଫିଲ୍ମ ‘ମ୍ୟାଗ୍ନେଟ୍’ ରିଲିଜ୍ ହେବାକୁ ଯାଉଛି। ତେଣୁ ସେ ଏବେ ସେହି ଫିଲ୍ମର ପ୍ରମୋସନ୍ରେ ବ୍ୟସ୍ତ। ଏହି ଅବସରରେ ସାକ୍ଷୀଙ୍କର ଏକ ଭିଡିଓ ସୋଶାଲ୍ ମିଡିଆରେ ଭାଇରାଲ୍ ହେଉଛି, ଯାହାକୁ ଦେଖି ଲୋକମାନେ ତାଙ୍କ ସହ ରାତି କାଟିବାକୁ ଚାହୁଁଥିବା ଅଫର କରିଛନ୍ତି। ଏକଥା ସାକ୍ଷୀ ଟ୍ୱିଟ୍ କରି ଜଣାଇଛନ୍ତି।
ସେ କହିଛନ୍ତି,“ଭିଡିଓ ଏବଂ ଫଟୋ ଦେଖି ଲୋକେ ପାଗଳ ହୋଇ ଯାଇଛନ୍ତି । ମୋତେ ଗୋଟେ ରାତିକୁ ଏକ କୋଟି ଦେବାକୁ କୁହାଯାଉଛି। କିନ୍ତୁ ସେମାନେ ସବୁ ମୁର୍ଖ । ମୁଁ ବିକ୍ରିହେବା ଜିନିଷ ନୁହେଁ। ଏତେ ସହଜରେ ବିକ୍ରି ହେବି ନାହିଁ। କେବଳ ମୋତେ ଦେଖି କାମ ଚଳାଅ ଏବଂ ‘ମ୍ୟାଗ୍ନେଟ୍’ ଦେଖିବା ପାଇଁ ସିନେମା ହଲକୁ ଯାଅ।”