ଗିରଫ ହେବେ ଅମୀଷା, କାରଣ ଜାଣିଲେ ଆଶ୍ଚର୍ଯ୍ୟ ହେବେ

ମୁମ୍ବାଇ() ଗିରଫ ହେବେ ବଲିଉଡ ଅଭିନେତ୍ରୀ ଅମୀଷା ପଟେଲା ଅମୀଷାଙ୍କ ବିରୋଧରେ ରାଞ୍ଚିର ଏକ କୋର୍ଟ ଗିରଫ ପର୍ୱାନା ଜାରି କରିଛନ୍ତି। ତାଙ୍କ ବିରୋଧରେ ପ୍ରଯୋଜକ ଅଜୟ କୁମାର ଚେକ୍ ବାଉନ୍ସ ନେଇ ଅଭିଯୋଗ କରିଥିଲେ।

ଅଭିଯୋଗ ଅନୁଯାୟୀ, ଫିଲ୍ମ ‘ଦେଶୀ ମ୍ୟାଜିକ୍’ ପାଇଁ ଅମୀଷାଙ୍କୁ ୩ କୋଟି ଟଙ୍କା ଧାର ଦେଇଥିଲେ ଅଜୟ। ଅମୀଷା ଏହି ଫିଲ୍ମର ପ୍ରଯୋଜକ ଥିଲେ। ଶୁଟିଂ ସମୟରେ ଟଙ୍କା କମ୍ ପଡ଼ିବାରୁ ସେ ଅଜୟଙ୍କଠାରୁ ଏହି ଟଙ୍କା ନେଇଥିଲେ। ଫିଲ୍ମର ଶୁଟିଂ ଶେଷ ହେବା ପରେ ଅଜୟ ତାଙ୍କୁ ଟଙ୍କା ମାଗି ଥିଲେ। ତେବେ ଅମୀଷା ତାଙ୍କ କଥା ଶୁଣି ନଥିଲେ। ଅଜୟ ପୁଣି ଟଙ୍କା ମାଗିବା ପରେ ଅମୀଷା ୨.୫ କୋଟି ଟଙ୍କାର ଏକ ଚେକ୍ ଦେଇଥିଲେ। ତେବେ ତାହା ବାଉନ୍ସ ହୋଇଯାଇଥିଲା। ଏହା ପରେ ଅଜୟ ରାଞ୍ଚିର ଏକ କୋର୍ଟରେ ଏ ନେଇ ମାମଲା ରୁଜୁ କରିଥିଲେ।