ଅଁଳା ନବମୀରେ ଅଁଳା ଖାଆନ୍ତୁ , ବଢିବ…

କାର୍ତ୍ତିକ ମାସ ଶୁକ୍ଳ ପକ୍ଷ ନବମୀକୁ ଅଁଳା ନବମୀ ଭାବରେ ଜଣାଯାଇଥାଏ। ଅଅଁଳା ନବମମୀକୁ ଅକ୍ଷୟ ନବମୀ ମଧ୍ୟ କୁହାଯାଏ। ଏହା ପ୍ରକ୍ରୁତିକୁ କୃତଜ୍ଞତା ଜ୍ଞାପନ କରିବା ଭାରତୀୟ ସଂସ୍କୃତିର ପର୍ବ ଅଟେ। ଏହି ଦିନରେ ଅଅଁଳା ଗଛକୁ ପୂଜା କରି ପରିବାରର ଆରୋଗ୍ୟତା ଏବଂ ସୁଖ-ସମ୍ରୁଦ୍ଧି କାମନା କରାଯାଇଥାଏ। କୁହାଯାଏ ଯେ ଏହି ଦିନରେ କରାଯାଇଥିବା ତପ, ଜପ, ଦାନ ଇତ୍ୟାଦି ବ୍ୟକ୍ତିଙ୍କୁ ସମସ୍ତ ପାପରୁ ମୁକ୍ତି କରିଥାଏ। ଏହା ସହିତ ସମସ୍ତ ମନଷ୍କାମନା ପୁର୍ଣ୍ଣ ହୋଇଥାଏ ବୋଲି ମଧ୍ୟ କୁହାଯାଏ।
ଧାର୍ମିକ ମାନ୍ୟତା ଅନୁସାରେ ଅକ୍ଷୟ ନବମୀରେ ଅଅଁଳା ଗଛରେ ଭଗବାନ ବିଷ୍ଣୁ ଏବଂ ଭଗବାନ ଶିବଙ୍କର ନିବାସ ରହିଥାଏ। ଏହି ଦିନରେ ଏହି ବ୍ରୁକ୍ଷ ତଳେ ବସିବା ଏବଂ ଭୋଜନ କରିବା ଦ୍ବାରା ରୋଗ ନାସ ହୋଇଥାଏ ବୋଲି କୁହାଯାଏ। ଶାସ୍ତ୍ର ଅନୁସାରେ ଅକ୍ଷୟ ନବମୀ ଦିନରେ କରାଯାଇଥିବା ପୁଣ୍ଣ୍ୟ କେବେବି ସମାପ୍ତ ହୋଇନଥାଏ।
ପୁରାଣ ଅନୁସାରେ ଏହି ପବିତ୍ର ଫଳ ଭଗବାନ ଶ୍ରୀ ବିଷ୍ଣୁଙ୍କୁ ପ୍ରସନ୍ନ କରିବାରେ ଶୁଭ ବୋଲି ଧରାଯାଏ। ଏହାର ଭକ୍ଷଣ ପରେ ମନୁଷ୍ୟ ସବୁ ପାପରୁ ମୁକ୍ତ ହୋଇଯାଇଥାଏ ବୋଲି କୁହାଯାଏ। ଅଅଁଳା ଖାଇବା ଦ୍ବାରା ଆୟୁଷ ବଢ଼ିଥାଏ। ଏହି ଫଳର ରସକୁ ପିଇବା ଦ୍ବାରା ଧର୍ମ-ସଞ୍ଚୟ ହୋଇଥାଏ। ଅଅଁଳା ଜଳରେ ସ୍ନାନ କରିବା ଦ୍ବାରା ଦାରିଦ୍ରତା ଦୂର ହୋଇଥାଏ। ଏହା ସହିତ ଏୈଶ୍ବର୍ୟ୍ୟ ପ୍ରାପ୍ତ ହୋଇଥାଏ। ଅଅଁଳାର ଦର୍ଶନ, ସ୍ପର୍ଶ ତଥା ଏହାର ନାମ ଉଚ୍ଚାରଣ କରିବା ଦ୍ବାରା ବରଦାୟକ ଶ୍ରୀ ବିଷ୍ଣୁ ଅନୁକୂଳ ହୋଇଯାନ୍ତି। ଯେଉଁଠି ଅଅଁଳାର ଫଳ ରହିଥାଏ, ସେଠାରେ ଭଗବାନ ଶ୍ରୀ ବିଷ୍ଣୁ ସବର୍ଦା ବିରାଜମାନ ରହିଥାନ୍ତି। ଏହା ସହିତ ବ୍ରହ୍ମା ଏବଂ ଲକ୍ଷ୍ମୀଙ୍କର ବାସ ମଧ୍ୟ ହୋଇଥାଏ। ଏଥିପାଇଁ ନିଜ ଘରେ ଅଅଁଳା ଅବଶ୍ୟ ରଖିବା ଉଚିତ।

ସୂର୍ୟ୍ୟେଦୟ ପୂର୍ବରୁ ସ୍ନାନ କରି ଅଅଁଳା ଗଛୁ ପୂଜା କରାଯାଇଥାଏ। ଅଅଁଳା ମୂଳରେ କ୍ଷୀର, ସଂଖା,ଫୁଲ ଏବଂ ଚନ୍ଦନ ରେ ଏହି ପବିତ୍ର ଗଛକୁ ବିଦ୍ଧି ପୂର୍ବକ ପୂଜା ଅର୍ଚ୍ଚନା କରନ୍ତୁ। ଏହାପରେ ଅଁଳା ଗଛକୁ ସାତ ଥର ପରିକ୍ରମା କରିବା ପରେ ଦୀପ ପ୍ରଜଳ୍ବିତ କରନ୍ତୁ।