ଏସିଆନ କୁସ୍ତି ଚାମ୍ପିୟନସିପ୍ : ଜିତିଲେ ୩ଟି ସ୍ୱର୍ଣ୍ଣ ପଦକ
ଅଧିକାଂଶ ଲୋକମାନେ କହିଥାନ୍ତି ଝିଅମାନେ ସୁନାମ ଅର୍ଜନ କରିପାରିବେ ନାହିଁ। କିନ୍ତୁ ବର୍ତ୍ତମାନ ଭାରତର ତିନି ଜଣ ଝିଅ ଏଭଳି କିଛି କରି ଦେଖାଇଛନ୍ତି, ଯାହାଦ୍ୱାରା କେବଳ ତାଙ୍କର ନୁହେଁ ବରଂ ପୁରା ଦେଶ ପାଇଁ ସୁନାମ ଅର୍ଜନ କରିଛନ୍ତି। ଏସିଆନ କୁସ୍ତି ଚାମ୍ପିୟନସିପ୍ରେ ଭାରତ ପାଇର୍ ଗତ ଗୁରୁବାର ଦିନ ଭଲ ରହିଥିଲା। କାରଣ ଏହି ଦିନ ଭାରତର ୩ ଜଣ ମହିଳା ଖେଳାଳୀ ପଦକ ଜିତି ଇତିହାସ ରଚନା କରିଛନ୍ତି।
ଦିବ୍ୟା କାକରାନ, ସରିତା ମୋର ଏବଂ ପିଙ୍କ ଗତ ଗୁରୁବାର ଦିନ ନିଜ ଓଜନ ବର୍ଗରେ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଦିବ୍ୟା କାକରନ ଏସିଆନ କୁସ୍ତି ଚାମ୍ପିୟନସିପ୍ରେ ସ୍ୱର୍ଣ୍ଣ ପଦକ ଜିତିଥିବା ଦ୍ୱିତୀୟ ଭାରତୀୟ ମହିଳା ମଲଯୋଦ୍ଧା। ଦିବ୍ୟା ଖୁବ୍ ସୁନ୍ଦର ପ୍ରଦର୍ଶନ କରି ୫ ଜଣ ମଲଯୋଦ୍ଧାଙ୍କୁ ୬୮କି.ଗ୍ରା ରେ ନିଜର ସମସ୍ତ ଚାରଟି ପର୍ଯ୍ୟାୟରେ ବିଜୟ ହୋଇଥିଲେ।
ଦିବ୍ୟାଙ୍କ ପରେ ପିଙ୍କି ମହିଳାଙ୍କ ୫୫ କିଲୋ ବର୍ଗରେ ଦେଶକୁ ଦ୍ୱିତୀୟ ସ୍ୱର୍ଣ୍ଣ ପଦକ ଦେଇଛନ୍ତି। ସେ ଫାଇନାଲରେ ଦୁଲ୍ଗୁନ ବୋଲୋରମାଙ୍କୁ ୨-୧ ରେ ପରାଜୟ କରିଛନ୍ତି। ଏହି ବିଜୟ ସହ ପିଙ୍କି ଚାମ୍ପିୟନସିପ୍ ଇତିହାସରେ ସ୍ୱର୍ଣ୍ଣ ପଦକ ହାସଲ କରିଥିବା ତୃତୀୟ ଭାରତୀୟ ମହିଳା। ପିଙ୍କି ମରୀନା ଜୁୟେଓ୍ଵାଙ୍କୁ ସେମିଫାଇନାଲରେ ୬-୦ରେ ହରାଇଥିଲେ। କେବଳ ଏତିକି ନୁହେଁ ସରିତା ମୋର (୫୯କିଗ୍ରା) ଏବଂ ନିର୍ମଲା ଦେବୀ (୫୦ କିଗ୍ରା) ନିଜ ନିଜ ବର୍ଗର ଫାଇନାଲରେ ପହଞ୍ଚି ରଜତ ପଦକ ହାସଲ କରିଛନ୍ତି। ଏହାପୂର୍ବରୁ ଭାରତ ପାଇଁ ସିନିୟର ଏସିଆ ଚାମ୍ପିୟନସିପ୍ ମହିଳା ବର୍ଗରେ ଗୋଟିଏ ମାତ୍ର ସ୍ୱର୍ଣ୍ଣ ପଦକ ନଓ୍ଵଜୋତ କୌର ୨୦୧୮ ମସିହାରେ ହାସଲ କରିଥିଲେ।