କ୍ୱାରେଣ୍ଟାଇନ୍ରେ ଏବେ ୫୦ ଯବାନ
ମଧ୍ୟପ୍ରଦେଶ : ମଧ୍ୟପ୍ରଦେଶର ଟେକନପୁରରେ ସୀମା ସୁରକ୍ଷା ବଳ (ବିଏସ୍ଏଫ୍) ର ୫୦ଜଣ ଜବାନଙ୍କୁ କ୍ବାରେଣ୍ଟାଇନ୍ କରାଯାଇଛି। ବିଏସଏଫ ଜଣେ ଅଧିକାରୀଙ୍କଠାରେ କରୋନା ରିପୋର୍ଟ ପଜିଟିଭ୍ ମିଳିବା ପରେ ଏହି ନିଷ୍ପତ୍ତି ନିଆଯାଇଛି।
ଟେକନପୁର ମଧ୍ୟପ୍ରଦେଶର ଗ୍ୱାଲିଅର୍ ଜିଲ୍ଲାରେ ଅବସ୍ଥିତ । ଏଠାରେ ବିଏସଏଫର ଏକ ଆଧୁନିକ ତାଲିମ କେନ୍ଦ୍ର ଅଛି । ଅନୁସନ୍ଧାନ ବେଳେ ଏହି କେନ୍ଦ୍ରର ଜଣେ ଅଧିକାରୀ କରୋନା ପଜିଟିଭ୍ ଥିବା ଜଣାପଡିଥିଲା। ଏହା ପରେ ଅଧିକାରୀଙ୍କ ସହ ଯୋଗାଯୋଗ କରିଥିବା ୫୦ଜଣ ଅଧିକାରୀ ଏବଂ ସୈନିକଙ୍କୁ କ୍ବାରେଣ୍ଟାଇନରେ ରଖାଯାଇଛି। ବିଏସଏଫ ଡାକ୍ତରମାନେ ଏହି ସୈନିକମାନଙ୍କ ସ୍ୱାସ୍ଥ୍ୟ ଉପରେ ନଜର ରଖିଛନ୍ତି।
ମିଳିଥିବା ସୂଚନାନୁସାରେ, କରୋନା ପଜିଟିଭ୍ ଥିବା ୫୭ ବର୍ଷୀୟ ବିଏସ୍ଏଫ୍ ଅଧିକାରୀ ଟେକାନପୁରରେ ନିଯୁକ୍ତ କରାଯାଇଛି। ନିକଟରେ ଏହି ଅଧିକାରୀଙ୍କ ପତ୍ନୀ ଲଣ୍ଡନରୁ ଫେରିଥିଲେ। ଏହି ଅଧିକାରୀଙ୍କୁ ସଂକ୍ରମଣ ତାଙ୍କ ପତ୍ନୀଙ୍କଠାରୁ ହୋଇଛି। ଏହି ବିଏସଏଫ ଅଧିକାରୀଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ଏହି ଅଧିକାରୀ ୧୫ରୁ ୧୯ ମାର୍ଚ୍ଚ ମଧ୍ୟରେ ଏଡିଜି, ଆଇଜି ରାଙ୍କର ଅଧିକାରୀଙ୍କ ସହ ବୈଠକ ହୋଇସାରିଛି | ବର୍ତ୍ତମାନ ସମସ୍ତ ଅଧିକାରୀଙ୍କୁ କ୍ବାରେଣ୍ଟାଇନ୍ କରାଯାଇଛି। ଶନିବାର ଦିନ କେନ୍ଦ୍ରୀୟ ଶିଳ୍ପ ସୁରକ୍ଷା ବଳର ଜଣେ ହେଡ କନଷ୍ଟେବଳ ମଧ୍ୟ କରୋନା ରିପୋର୍ଟ ପଜିଟିଭ୍ ଥିବା ଜଣାପଡିଛି। ଏହି ସୈନିକଙ୍କୁ ମୁମ୍ବାଇର ଅନ୍ତର୍ଜାତୀୟ ବିମାନବନ୍ଦରରେ ପୋଷ୍ଟ କରାଯାଇଥିଲା। ଡ୍ୟୁଟିରେ ଥିବାବେଳେ ତାଙ୍କର ସଂକ୍ରମଣ ହୋଇଛି ବୋଲି କୁହାଯାଉଛି।