ପଛକୁ ଫେରିଲା ଚୀନ୍
ନୂଆଦିଲ୍ଲୀ : ଲଦ୍ଦାଖରେ ଚୀନ୍ ସହ ଜାରି ବିବାଦକୁ ନେଇ ଆସିଛି ଖୁସି ଖବର। ଭାରତ ଓ ଚୀନ୍ର ସୈନିକ ପୂର୍ବ ଲଦ୍ଦାଖର ୩ଟି ଅଲଗା ଅଲଗା ଅଞ୍ଚଳରୁ ନିଜ ନିଜର ଅଞ୍ଚଳକୁ ପଛକୁ ହଟିଛନ୍ତି । ଏହି ସପ୍ତାହରେ ହେବାକୁ ଥିବା ସେନାର କଥାବାର୍ତ୍ତା ପୂର୍ବରୁ ଦୁଇ ଦେଶ ତରଫରୁ ଏହି ପ୍ରୟାସ ସଫଳ ହୋଇଛି । ଏକ ମାସରୁ ଅଧିକ ସମୟ ଧରି ସୀମାରେ ଜାରି ରହିଥିବା ଅଶାନ୍ତ ବାତାବରଣ ଏବେ ଥଣ୍ଡା ହେବାର ଆଶା ସୃଷ୍ଟି କରିଛି ।
ଭାରତ ଓ ଚୀନ୍ର ସେନା ମଧ୍ୟରେ ଏହି ସପ୍ତାହ ପାଟ୍ରୋଲିଂ ପଏଣ୍ଟ ୧୪ ( ଗଲଭାନ ଏରିଆ ) , ପାଟ୍ରୋଲ ପଏଣ୍ଟ ୧୫ ଓ ହଟ୍ ସ୍ପ୍ରିଙ୍ଗସ ଏରିଆ ସହ ଲଦ୍ଦାଖର କେତେକ ଭିନ୍ନଭିନ୍ନ ସ୍ଥାନରେ ମିଟିଂ ହେବାର ଅଛି । ସରକାରଙ୍କ ପ୍ରମୁଖ ସୂତ୍ରରୁ ଏହି ସୂଚନା ଦିଆଯାଇଛି ।
ସେ କହିଛନ୍ତି , ଚୀନ୍ର ସେନା ଗଲଭାନ ଭ୍ୟାଲି , ପାଟ୍ରୋଲିଂ ପଏଣ୍ଟ -୧୫ ଓ ହଟ୍ ସ୍ପ୍ରିଙ୍ଗ୍ସ ଏରିଆ ରୁ ୨ରୁ ୨.୫ କିମି ପଛକୁ ହଟି ସାରିଛନ୍ତି । ସୂତ୍ରରୁ ପ୍ରକାଶ ଯେ, ଏହା ୬ଜୁନ୍ରେ ଲେପ୍ଟେନାଣ୍ଟ ଜେନେରାଲ ସ୍ତରରେ ହୋଇଥିବା କଥାବାର୍ତ୍ତା ଓ ଆଗକୁ ଥିବା ମିଟିଂର ପ୍ରଭାବ ।
ଚୀନ୍ ସେନା ଯେତେବେଳେ ନିଜର ସେନା ପଛକୁ ହଟାଇଥିଲା , ଭାରତ ମଧ୍ୟ ତାପରେ ସେହି ଅଞ୍ଚଳରୁ ନିଜର କିଛି ସେନା ଓ ଭାଇକଲ୍କୁ ଫେରେଇ ନେଇଛି । ଅଶାନ୍ତିର ଏହି ବାତାବରଣ ଭିତରେ ଦୁଇ ପକ୍ଷରୁ ବାଟାଲିୟନ କମାଣ୍ଡର ସ୍ତରର କଥାବାର୍ତ୍ତା ଚାଲିଛି । ଚୀନ୍ ସହ କଥାବାର୍ତ୍ତା ପାଇଁ ଭାରତୀୟ ସେନା ଦଳ ପ୍ରଥମରୁ ହିଁ ଚୁସୁଲରେ ଉପସ୍ଥିତ ଅଛନ୍ତି , ଯିଏ ବରିଷ୍ଠ ଅଧିକାରୀଙ୍କ ସାହାଯ୍ୟ କରୁଛନ୍ତି ।