ଦାରିଙ୍ଗବାଡ଼ିକୁ ସଡ୍ ଡାଉନ୍ କଲେ ସରପଞ୍ଚ

ଜି. ଉଦୟଗିରି : ଦାରିଙ୍ଗବାଡ଼ି ସରପଞ୍ଚ ପ୍ରୟୋଗ କଲେ ଜିଲ୍ଲାପାଳ କ୍ଷମତା । ୪୮ ଘଣ୍ଟା ପାଇଁ ଦାରିଙ୍ଗବାଡ଼ି ପଞ୍ଚାୟତ ଅଞ୍ଚଳକୁ ସଡଡାଉନ ଘୋଷଣା କଲେ ସରପଞ୍ଚ ରାଧାକାନ୍ତ ପ୍ରଧାନ। ଆଜି ସନ୍ଧ୍ୟା ୫ ଟାରୁ ୨୩ ତାରିଖ ମଙ୍ଗଳବାର ସନ୍ଧ୍ୟା ୫ଟା ଯାଏ ଦାରିଙ୍ଗବାଡ଼ି ପଞ୍ଚୟତ ଅଞ୍ଚଳ ସମ୍ପୂର୍ଣ୍ଣ ସଡ୍ ଡାଉନ୍ କରାଯାଇଛି  । ଏହି ସମୟରେ ସମସ୍ତ ଦୋକାନ ବଜାର ବନ୍ଦ ରହିବ । ଘରୁ କେହି ଲୋକ ବାହାରିବେନି ।

କଡ଼ାକଡ଼ି ଭାବେ ଏହି ନିୟମକୁ ପାଳନ କରିବାକୁ ସେ ନିର୍ଦ୍ଦେଶ ଜାରି କରିବା ସହ ଡ଼ାକବାଜି ଯନ୍ତ୍ର ଯୋଗେ ଦାରିଙ୍ଗବାଡ଼ି ପଞ୍ଚାୟତର ସମସ୍ତ ୱାର୍ଡ ବୁଲି ବୁଲି ଘୋଷଣା କରିଛନ୍ତି । ଦାରିଙ୍ଗବାଡ଼ି ଅଞ୍ଚଳରେ ରହିଥିବା ଏକ କ୍ୱାରେଣ୍ଟାଇନ ସେଣ୍ଟରରେ କାର୍ଯ୍ୟରତ ଶିକ୍ଷା ବିଭାଗର ଜଣେ କୋରୋନା ଯୋଦ୍ଧା କୋରୋନାରେ  ଆକ୍ରାନ୍ତ ଥିବା ନେଇ ଚିହ୍ନଟ ହୋଇଛନ୍ତି । ଆଉ ସେ ଅଞ୍ଚଳର ବହୁ ଲୋକଙ୍କ ସଂସ୍ପର୍ଶରେ ଆସିଥିବା ବେଳେ ଗୋଷ୍ଠୀ ସଂକ୍ରମଣ ଭୟରେ ସରପଞ୍ଚ ଏଭଳି ପଦକ୍ଷେପ ଗ୍ରହଣ କରି ଦାରିଙ୍ଗବାଡ଼ି ପଞ୍ଚାୟତ ଅଞ୍ଚଳକୁ ୪୮ ଘଣ୍ଟା ପାଇଁ ସଡ୍ ଡାଉନ ଘୋଷଣା କରିଛନ୍ତି ବୋଲି  କହିଛନ୍ତି ।