ଆଜି ମଇଦାନକୁ ଓହ୍ଲାଇବେ ବାଂଲାଦେଶ ଏବଂ ଶ୍ରୀଲଙ୍କା

ଲଗାତାର ଦୁଇଟି ମ୍ୟାଚ୍ ହାରିବା ପରେ ବାଂଲାଦେଶ ଏବଂ ବୋଲରଙ୍କ ଖରାପ ପ୍ରଦର୍ଶନ ଫଳରେ ଚିନ୍ତାରେ ଥିବା ଶ୍ରୀଲଙ୍କା ନିଜ ନିଜର ପୂର୍ବର ଭୂଲ୍ କୁ ସୁଧାରିବା ପାଇଁ ଆଜି ମଇଦାନକୁ ଓହ୍ଲାଇବେ । ବାଂଲାଦେଶ ବିଶ୍ବ କପରେ ସାନଦାର୍ ଆରମ୍ଭ କରିଥିଲା । ଏହି ଦଳ ଦକ୍ଷିଣ ଆଫ୍ରିକା ବିପକ୍ଷରେ ଛଅ ୱିକେଟରେ ୩୩୦ ରନ୍ କରି ନିଜର ସର୍ବୋଚ୍ଚ ଦିନିକିଆ ରନ୍ କରିବା ସହ ୨୧ ରନରେ ବିଜୟୀ ହୋଇଥିଲା ।

କିନ୍ତୁ ଟିମ୍ ଏହି ଧାରାକୁ ଆଗକୁ ବଜାୟ ରଖି ପାରିଲା ନାହିଁ । ନ୍ୟୁଜିଲ୍ୟାଣ୍ଡ ଠାରୁ ୨ ୱିକେଟ୍ ଏବଂ ଇଂଲଣ୍ଡ ଠାରୁ ୧୦୬ ରନ୍ ରେ ପରାସ୍ତ ହୋଇଥିଲା । ଶ୍ରୀଲଙ୍କ ମଧ୍ୟ ପ୍ରଥମ ମ୍ୟାଚରେ ନ୍ୟୁଜିଲ୍ୟାଣ୍ଡ ଠାରୁ ୧୦ ୱିକେଟରେ ପରାସ୍ତ ହୋଇଥିଲା । ଏହାପରେ ଏହି ଟିମ୍ ଆଫଗାନିସ୍ତାନକୁ ହରାଇଥିଲା କିନ୍ତୁ ପାକିସ୍ତାନ ବିପକ୍ଷରେ ବର୍ଷା ହେବା କାରଣରୁ ମ୍ୟାଚକୁ ରଦ୍ଦ କରାଯାଇଥିଲା ଫଳରେ ଦୁଇ ଦଳ ଭିତରେ ପଏଣ୍ଟ ବଣ୍ଟନ କରାଯାଇଥିଲା । ଶ୍ରୀଲଙ୍କା ନିଜର ଦୁଇଟି ମ୍ୟାଚରେ ୫୦ ଓଭର ପର୍ଯ୍ୟନ୍ତ ଖେଳିପାରିନଥିଲା ଯାହା ଦଳ ପାଇଁ ଚିନ୍ତାର ବିଷୟ ପାଲଟିଛି । ତେବେ ଆଜିର ଏହି ମ୍ୟାଚ୍ ଅପରାହ୍ନ ୩ଟା ବେଳେ ଆରମ୍ଭ ହେବ । ଏହା ବିଶ୍ବ କପ୍ ର ୧୬ତମ ମ୍ୟାଚ ଭାବେ ଗଣା ହେବ ।