କରୋନା ମୁକାବିଲାରେ ସମସ୍ତଙ୍କ ରୋଲ ମଡେଲ ନବୀନ
ଭୁବନେଶ୍ୱର () ବିପର୍ଯ୍ୟୟ ମୁକାବିଲା ପାଇଁ ସାରା ବିଶ୍ୱରେ ପ୍ରଶଂସିତ ହୋଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବେ କରୋନା ଭଳି ବିଶ୍ୱ ମହାମାରି ମୁକାବିଲାରେ ସମସ୍ତଙ୍କ ପାଇଁ ରୋଲ ମଡେଲ ହୋଇଛନ୍ତି । ଏକଥା ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱୀକାର କରିଛନ୍ତି ।
କେବଳ ପ୍ରଧାନମନ୍ତ୍ରୀ ନୁହଁନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ନବୀନଙ୍କ ପ୍ରଶଂସାରେ ଶତମୁଖ ହୋଇଛନ୍ତି । କରୋନା ମୁକାବିଲା ପାଇଁ ସରା ବିଶ୍ୱ ଯେତେବେଳେ ଛାଟିପିଟି ହେଉଥିଲା ସେତେବେଳେ ନବୀନ ଦେଖାଇଛନ୍ତି ନୂଆ ସୂତ୍ର । କିଭଳି ଭାବେ ସାମାଜିକ ଦୂରତା ଦ୍ୱାରା ଲୋକଙ୍କ ମଧ୍ୟରେ ଭୁତାଣୁ ସଂକ୍ରମଣକୁ ନିୟନ୍ତ୍ରଣ କରାଯାଇପାରିବ ତାର ଫର୍ମୁଲା ଦେଇଛନ୍ତି ନବୀନ ।
କରୋନା ଭାଇରସରେ କର୍ଣ୍ଣାଟକରେ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ରାଜ୍ୟ ସରକାର ଏହାକୁ ରାଜ୍ୟ ବିପର୍ଯ୍ୟୟ ଭାବେ ଘୋଷଣା କରିଥିଲେ । କରୋନା ଭୁତାଣୁ ସଂକ୍ରମଣ କେବଳ ଜଣେ ବ୍ୟକ୍ତିଙ୍କ ଠାରୁ ଅନ୍ୟଜଣେ ବ୍ୟକ୍ତିଙ୍କୁ ସଂକ୍ରମିତ ହୋଇଥାଏ । ତେଣୁ କିଭଳି ଭାବେ ଲୋକଙ୍କ ମଧ୍ୟରେ ସାମାଜିକ ଦୂରତା ସୃଷ୍ଟି କରାଯିବ ତାହା ଉପରେ ଫୋକସ କରିଥିଲେ ମୁଖ୍ୟମନ୍ତ୍ରୀ । ଏଥିପାଇଁ ସ୍କୁଲ କଲେଜ ଠାରୁ ଆରମ୍ଭ କରି ଅଙ୍ଗନବାଡି କେନ୍ଦ୍ର ପର୍ଯ୍ୟନ୍ତ ସବୁ ଅନୁଷ୍ଠାନ ଯେଉଁଠାରେ ଅଧିକ ସଂଖ୍ୟାରେ ଲୋକେ ଏକତ୍ରିତ ହୋଇଥାନ୍ତି ସେସବୁ ବନ୍ଦ କରିଦିଆଗଲା । ଏପରି କିଛି ଜିଲ୍ଲାରେ ୧୪୪ ଧାରା ମଧ୍ୟ ଜାରି କରାଗଲା । ଉଦ୍ଦେଶ୍ୟ ଲୋକଙ୍କୁ ଆତଙ୍କିତ କରିବା ନୁହେଁ, ବରଂ ଲୋକଙ୍କ ମଧ୍ୟରେ ଦୂରତା ସୃଷ୍ଟି କରିବା । ଯାହାଦ୍ୱାରା ଭୁତାଣୁ ସଂକ୍ରମଣକୁ ନିୟନ୍ତ୍ରିତ କରାଯାଇପାରିବ ।
ଏହି ଲକ୍ଷ୍ୟରେ ରାଜ୍ୟ ସରକାର ଅନେକାଂଶରେ ସଫଳ ମଧ୍ୟ ହୋଇଛନ୍ତି । ବାହାଘର, ବ୍ରତଘର, ସମାଜିକ ଭୋଜି, ମନ୍ଦିରରେ ଉତ୍ସବ ଆଦି ଉପରେ ବି ଲାଗିଲା କଟକଣା । ଆରମ୍ଭରୁ କିଛି ଗୋଷ୍ଠି ଏହାକୁ ସରକାରଙ୍କ ଏକଛତ୍ର ଶାସନ ବୋଲି କହୁଥିଲେ ବି ନବୀନଙ୍କ ଏହି ପଦକ୍ଷେପର ସୁଫଳ ସେମାନେ ଧିରେ ଧିରେ ଅନୁଭବ କରିଲେଣି । ପରବ ର୍ି ପର୍ଯ୍ୟୟରେ ଅଧିକ ସଂକ୍ରମିତ ଦେଶରୁ ଆସୁଥିବା ଲୋକଙ୍କ ଠାରୁ ଆମ ରାଜ୍ୟର ସୁସ୍ଥ ଲୋକଙ୍କୁ ସୁରକ୍ଷିତ ରଖିବା ପାଇଁ ବିଦେଶ ଫେରନ୍ତାଙ୍କ ପଂଜିକରଣ ଏବଂ ୧୪ ଦିନ ପର୍ଯ୍ୟନ୍ତ ଆସୋଲେସନରେ ରହିବାକୁ ବାଧ୍ୟତାମୂଳକ କରାଗଲା ।
ଏହି ପ୍ରକ୍ରିୟାରୁ ବଡ ବଡୁଆ ବି ବାଦ ପଡିଲେ ନାହିଁ । ପୁରୀ ଗଜପତି ମହାରାଜ ବିଦେଶରୁ ଫେରିବା ପରେ ନିଜକୁ ନିଜେ ଆସୋଲେସନରେ ରଖିଲେ । ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଂଜୟ ଦାସବର୍ମାଙ୍କ ପୁଅ ଲଣ୍ଡନରୁ ଫେରିବା ପରେ ସେ ମଧ୍ୟ କ୍ୱାରେ ।ଇନରେ ରହିଲେ । ବରିଷ୍ଠ ଆଇଏଏସ ଅଫିସର ଭିନିଲ କ୍ରିଷ୍ଣା ମଧ୍ୟ ବିଦେଶରୁ ଫେରିବା ପରେ ଆସୋଲେସନରେ ରହିଲେ । ଏ ସମସ୍ତେ ବିଦେଶରୁ ଫେରି ରାଜ୍ୟ ସରକାରଙ୍କ କୋଭିଡ-୧୯ େଓବ ପୋର୍ଟାଲରେ ନିଜ ନାମ ଓ ସମ୍ପୁର୍ଣ୍ଣ ତଥ୍ୟ ପଂଜିକରଣ କଲେ । ଏପରିକି ନିଜେ ମୁଖ୍ୟମନ୍ତ୍ରୀ ତାଙ୍କ ଭଉଣୀ ଗୀତା ମହେଟା ବିଦେଶରୁ ଫେରିବା ପରେ ତାଙ୍କ ନାମକୁ ପୋର୍ଟାଲରେ ପଂଜିକରଣ କରିଛନ୍ତି ।
ଆଜି ମୁଖ୍ୟମନ୍ତ୍ରୀ ଟୁଇଟ୍ କରି ଏହା ଜଣାଇଛନ୍ତି ବିଦେଶରୁ ଓଡ଼ି଼ିଶା ଆସିଥିବା ବଡ଼଼ ଭଉଣୀ ଗୀତା ମେହେଟ୍ଟାଙ୍କ ନାମ ରାଜ୍ୟ ସରକାରଙ୍କ ପକ୍ଷରୁ ଜାରି କୋଭିଡ୍-୧୯ ପୋର୍ଟାଲରେ ପଞ୍ଜିକୃତ କରିବା ସହ ସରକାରଙ୍କ ନିର୍ଦ୍ଦେଶ ପାଳନ ଲାଗି ରାଜ୍ୟବାସୀଙ୍କୁ ଅନୁରୋଧ କରିଛନ୍ତି । ଏହି ମାଧ୍ୟମରେ ତଥ୍ୟ ଦେଲେ ସମସ୍ତେ ସୁରକ୍ଷିତ ରହିପାରିବେ ବୋଲି ନବୀନ କହିଛନ୍ତି । ଓଡ଼ି଼ିଶାବାସୀଙ୍କୁ ଅପିଲ କରି ମୁଖ୍ୟମନ୍ତ୍ରୀ କହିଛନ୍ତି କି ବିଦେଶରୁ ଓଡ଼ି଼ିଶାକୁ ଅସେୁଥିବା ନିଜର ପରିଜନ ଓ ବନ୍ଧୁବାନ୍ଧବଙ୍କୁ ପଞ୍ଜୀକୃତ କରାନ୍ତୁ । ଏହା ଓଡ଼ି଼ିଶାକୁ କରୋନା ଭାଇରସ ସଂକ୍ରମଣରୁ ରକ୍ଷା କରିବ । ଏଥିସହିତ କିଭଳି ଭାବେ ଲୋକେ ନିଜକୁ ସୁରକ୍ଷିତ ରଖିବା ପାଇଁ ନିୟମିତ ଭାବେ ସାବୁନ ଏବଂ ସାନିଟାଇଜରରେ ନିଜ ହାତକୁ ଭାଇରସ ମୁକ୍ତ କରିବେ ତାର ବା ର୍ା ଦେଉଛନ୍ତି ।
କରୋନା ଭାଇରସ ବିଶ୍ୱର ଅନ୍ୟତମ ଶକ୍ତିଶାଳୀ ରାଷ୍ଟ୍ର ଚିନର ନିଦ ହଜେଇ ଦେଇଥିଲା । ଚିନରେ ଖୁବ କମ ସମୟ ମଧ୍ୟରେ ହଜାର ହଜାର ଲୋକ ଏହି ଭାଇରସ ଦ୍ୱାରା ଆକ୍ରାନ୍ତ ହୋଇଥିଲେ । ତେବେ ନବୀନଙ୍କ ସୂତ୍ର ରାଜ୍ୟରେ ଆକ୍ରାନ୍ତଙ୍କ ସଂଖ୍ୟାକୁ ନିୟନ୍ତ୍ରିତ କରିଛି । କରୋନା ପାଇଁ ନିଆଯାଇଥିବା ସତର୍କତାମୂଳକ ପଦକ୍ଷେପ ଲୋକଙ୍କୁ ଆତଙ୍କିତ କରିବାକୁ ଉଦ୍ଦିଷ୍ଟ ନୁହେଁ । ପ୍ରତିଦିନ ସରକାର କରୋନା ଆକ୍ରାନ୍ତଙ୍କୁ ନେଇ ନିଜ ଆଡୁ ସାମ୍ବାଦିକ ସମ୍ମିଳନୀ କରି ବିସ୍ତ୍ରୁତ ତଥ୍ୟ ପ୍ରଦାନ କରୁଛନ୍ତି । ନବୀନ ଯେଉଁ ସମୟରେ ଏହି ସୂତ୍ର ଆରମ୍ଭ କଲେ ସେ ସମୟରେ ଦେଶର ଅନ୍ୟ କୌଣସି ରାଜ୍ୟ ଏହାକୁ ଆପଣେଇ ନଥିଲେ । ଏବେ ନବୀନଙ୍କ ଫର୍ମୁଲା ସମସ୍ତଙ୍କ ପାଇଁ ଏକ ଉଦାହାରଣ ହୋଇଛି । ପ୍ରଧାନମନ୍ତ୍ରୀ ମଧ୍ୟ ନବୀନଙ୍କ ଫର୍ମୁଲାକୁ ଆପଣେଇ କରୋନାକୁ ଜାତୀୟ ବିପର୍ଯ୍ୟୟ ଭାବେ ଘୋଷଣା କରି ଏହିଭଳି ଆଇସୋଲେସନ ଏବଂ କ୍ୱାରେ ।ଇନ ବ୍ୟବସ୍ଥା ଆରମ୍ଭ କରିଛନ୍ତି ।