ନକ୍ସଲ ହମ୍ଲାରେ ଓଡିଆ କ୍ୟାମେରାମ୍ୟାନ ମୃତ

ଛତିଶଗଡକୁ ନିର୍ବାଚନ ଖବର ସଂଗ୍ରହ ପାଇଁ ଯାଇଥିବା ବେଳେ ନକ୍ସଲମାନଙ୍କ ଆକ୍ରମଣରେ ଦନ୍ତେୱାଡା ଦୁରଦର୍ଶନ କେନ୍ଦ୍ରର କ୍ୟାମେରା ମ୍ୟାନ ଅଚ୍ୟୁତାନନ୍ଦ ସାହୁଙ୍କର ମୃତ୍ୟୁ ଘଟିଛି ତାଙ୍କ ସହିତ ୨ଜଣ ପୋଲିସ ମଧ୍ୟ ଏହି ଆକ୍ରମଣରେ ସହିଦ ହୋଇଛନ୍ତି । ମୃତ କ୍ୟାମେରାମ୍ୟାନ ଓଡିଶାର ବୋଲି ଜଣାପଡିଛି । ବଲାଙ୍ଗିର ଜିଲ୍ଲା ଲୁଇସିଂଘା ବ୍ଲକର ଘୁସୁରାମୁଣ୍ଡା ଗ୍ରାମରେ ତାଙ୍କ ଘର । ସେ ୨ବର୍ଷତଳେ ବିବାହ କରିଥିଲେ । ଦୁରଦର୍ଶନରେ ଚାକିରି କରିବା ପୁର୍ବରୁ କିଛିଦିନ ପାଇଁ ସେ ସେନା ବାହୀନିରେ ମଧ୍ୟ ଚାକିରି କରିଥିଲେ ପରେ ସେ ସେଠାରୁ ସ୍ୱେଛା ମୂଳକ ଭାବେ ଅବସର ନେଇ ୨୦୧୩ରୁ ଦନ୍ତେୱାଡା ଦୁରଦର୍ଶନ କେନ୍ଦ୍ରରେ ଚାକିରି କରିଥିଲେ । ତାଙ୍କ ବିୟୋଗରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ରାଜ୍ୟବର୍ଦ୍ଧନ ରାଠୋର ଗଭୀର ଶୋକ ପ୍ରକାଶ କରିଛନ୍ତି ।