ପରୀକ୍ଷା ବାତିଲ ଦାବିରେ +୨ ଛାତ୍ରଛାତ୍ରୀଙ୍କ ବିକ୍ଷୋଭ

ଭୁବନେଶ୍ୱର : +୨ ପରୀକ୍ଷା ବାତିଲ ଦାବିରେ ପୁଣି ରାଜରାସ୍ତାରେ ଛାତ୍ରଛାତ୍ରୀ । ମହାତ୍ମାଗାନ୍ଧୀ ମାର୍ଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ । ଦଶମ ଶ୍ରେଣୀ ପରିକ୍ଷା ବାତିଲ ହୋଇଥିବା ବେଳେ +୨ ପରୀକ୍ଷା କାହିଁକି ବାତିଲ ହେବ ନାହିଁ ବୋଲି ଛାତ୍ରଛାତ୍ରୀ ପ୍ରଶ୍ନ କରିଛନ୍ତି । ନାରାବାଜି କରି ସେମାନେ ବିଧାନସଭା ଆଡକୁ ମୁହାଁଇଥିଲେ । ସେମାନଙ୍କୁ ପୁଲିସ ଅଟକାଇବା ବେଳେ ମୁହାଁମୁହିଁ ପରିସ୍ଥିତି ଉପୁଜିଥିଲା । ଏହି ସମୟରେ ପୁଲିସ ସହ ଛାତ୍ରଛାତ୍ରୀଙ୍କର ଧସ୍ତାଧସ୍ତି ହୋଇଥିଲା । ତେବେ କିଛି ଛାତ୍ରଙ୍କୁ ଅଟକ ରଖି ଆନ୍ଦୋଳନକାରୀଙ୍କୁ ଘଉଡାଇଥିଲା ପୁଲିସ ।