ଚତୁର୍ଥ ଦିନରେ ବି ଚାଲିପାରିନି ବିଧାନସଭା ପ୍ରଶ୍ନକାଳ। ଆଜି ଗୃହ କାର୍ୟ୍ୟ ଆରମ୍ଭ ହେବା କ୍ଷଣି ବିରୋଧୀ ସଦସ୍ୟ ଗୃହର ମଧ୍ୟଭାଗକୁ ଆସି ହୋହଲ୍ଲା କରିଥିଲେ। ଚାଷୀ ସମସ୍ୟା ନେଇ କଂଗ୍ରେସ ହଟ୍ଟଗୋଳ କରିଥିବା ବେଳେ ବେକାରୀ ଓ ନିଯୁକ୍ତି ସମସ୍ୟା ନେଇ ବିଜେପି ସଦସ୍ୟ ନାରାବାଜି କରିଥିଲେ। ଫଳରେ ଚାଲି ପାରି ନଥିଲା ଗୃହକାର୍ୟ୍ୟ। ଏହାପରେ ବାଚସ୍ପତି ଗୃହକୁ ୧୧ଟା ୩୦ ପର୍ୟ୍ୟନ୍ତ ମୁଲତବୀ ରଖିଛନ୍ତି। ପରେ ଗୃହ ପୁଣି ଆରମ୍ଭ ହେବା ମାତ୍ରକେ ସମାନ ସ୍ଥିତି ଦେଖିବାକୁ ମିଳିଥିଲା। ଫଳରେ ଗୃହକୁ ସାଢେ ୫ଟା ଯାଏ ମୁଲତବୀ ରଖିଥିଲେ ବାଚସ୍ପତି। ଗତ ତିନି ଦିନ ହେଲାଣି ବିଧାନସଭାରେ ଲାଗି ରହିଛି ଅଚଳାବସ୍ଥା।