ଦାଗୀ ନେତାଙ୍କ ତାଲିକା ଦେବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ

ନୂଆଦିଲ୍ଲୀ () ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, ଏଣିକି ସମସ୍ତ ରାଜନୈତିକ ଦଳ ନିଜ ନିଜର ପାର୍ଥୀଙ୍କ ଅପରାଧିକ ତଥ୍ୟ ୱେବସାଇଟରେ ଅପଲୋଡ କରିବା ବାଧ୍ୟତାମୂଳକ ବୋଲି ସୁପ୍ରିମକୋର୍ଟ ରାୟ ଶୁଣାଇଛନ୍ତି ।

ତୁରନ୍ତ ସମସ୍ତ ଦାଗୀ ନେତାଙ୍କ ତାଲିକା ଦିଅ । ଅପରାଧିକ ସୂଚନାକୁ ସାର୍ବଜନୀନ କରାଯାଉ । ରାଜନୀତିରେ ଦାଗୀ ନେତାଙ୍କୁ ଦେଖି ଚିନ୍ତା ବ୍ୟକ୍ତ କରିଛନ୍ତି ଉଚ୍ଚତମ ନ୍ୟାୟାଳୟ । ସମସ୍ତ ରାଜନୈତିକ ଦଳ ନିଜ ନିଜ ୱେସାଇଟରେ ୱେବସାଇଟରେ ପ୍ରାର୍ଥୀଙ୍କ ସବିଶେଷ ତଥ୍ୟ ଦେବେ । ଏଥିରେ ପ୍ରାର୍ଥୀଙ୍କ ଅପରାଧିକ ତଥ୍ୟ ଓ ସେମାନଙ୍କ ଚୟନ କରିବାର କାରଣ ଦର୍ଶାଇବେ ।

କେବଳ ଏତିକି ନୂହେଁ ଯେଉଁ ଦଳ ଅପରାଧୀଙ୍କୁ ପାର୍ଥୀ କରୁଥିବ ସେ ଦଳ ସ୍ପଷ୍ଟୀକରଣ ଦେବ କେଉଁ କାରଣ ପାଇଁ ଅପରାଧ ପୃଷ୍ଠଭୂମି ଥିବା ବ୍ୟକ୍ତିଙ୍କୁ ଟିକଟ ଦେଉଛି ? ତାହା ମଧ୍ୟ ଦଳ ଜଣାଇବାକୁ ନିର୍ଦ୍ଧେଶ ଦେଇଛନ୍ତି ସୁପ୍ରିମକୋର୍ଟ ।