Odia News Portal

ଅତିଥୀଙ୍କ ପାଇଁ କରାଯାଇଛି ସ୍ୱତନ୍ତ୍ର ବ୍ୟବସ୍ଥା

ବର୍ତ୍ତମାନ କ୍ୟାଟ୍ରିନା କୈଫ ଏବଂ ବିକି କୌଶଲଙ୍କ ବିବାହକୁ ନେଇ ଜୋରଦାର ପ୍ରସ୍ତୁତି ଚାଲିଛି। ଏହି ବଲିଉଡ ଦମ୍ପତି ସାୱାଇ ମାଧୋପୁରର ସିକ୍ସସେନ୍ସ ଦୁର୍ଗରେ ବିବାହ କରିବାକୁ ଯାଉଛନ୍ତି । ସେମାନଙ୍କ ବିବାହରେ ସାମିଲ୍ ହୋଇଥିବା ଅତିଥିଙ୍କ ତାଲିକା ମଧ୍ୟ ସାମ୍ନକୁ ଆସିଛି। ଦମ୍ପତିଙ୍କ ବିବାହ ରାଜକୀୟ ଜାକଜକମରେ ହେବ ବୋଲି ଶୁଣିବାକୁ ମିଳୁଛି । ହେଲେ ନିକଟରେ ଏକ ଖବର ଆସିଥିଲା ​​ଯେ ସେମାନଙ୍କ ବିବାହ କାରଣରୁ ଜୟପୁରରେ ଗାଡିର ବୁକିଂର ଅଭାବ ଦେଖାଦେଇଛି। ଦମ୍ପତି ବିବାହକୁ ଆସୁଥିବା ଭିଆଇପି ଅତିଥିମାନଙ୍କ ସ୍ୱାଗତ ପାଇଁ ସ୍ୱତନ୍ତ୍ର ବ୍ୟବସ୍ଥା କରିଛନ୍ତି ।

ରଣଥାମ୍ବୋର ରୋଡ ନିକଟରେ ଅବସ୍ଥିତ ଅନେକ ପାଞ୍ଚ ତାରକା ହୋଟେଲରେ ଭିଆଇପି ଅତିଥିମାନଙ୍କ ପାଇଁ ବୁକିଂ କରାଯାଇଛି । ତେବେ ଏହି ସମସ୍ତ ଅତିଥି ମୁମ୍ବାଇରୁ ଆସୁଛନ୍ତି। ରିପୋର୍ଟ ଅନୁଯାୟୀ, ସମସ୍ତ ଅତିଥିଙ୍କୁ ବିଳାସପୂର୍ଣ୍ଣ ଗାଡି ଅର୍ଥାତ୍ ବିଏମଡବ୍ଲୁ, ଅଡି ଏବଂ ରେଞ୍ଜ ରୋଭର ଦ୍ଵାରା ବିମାନବନ୍ଦରରୁ ସାୱାଇ ମାଧୋପୁରକୁ ଅଣାଯିବ। ଏହା ବ୍ୟତୀତ ଦୁଇଟି ଭ୍ୟାନିଟି ଭ୍ୟାନ ପାଇଁ ମଧ୍ୟ ବ୍ୟବସ୍ଥା କରାଯାଇଛି । ଏପରିକି ୫୦ ଡ୍ରାଇଭରଙ୍କ ରହିବା ପାଇଁ ମଧ୍ୟ ବ୍ୟବସ୍ଥା କରାଯାଇଛି। କ୍ୟାଟ୍ରିନା ଏବଂ ବିକିଙ୍କ ପରିବାର ସଦସ୍ୟଙ୍କ ପାଇଁ ସିକ୍ସ ସେନ୍ସ ଦୁର୍ଗରେ ଅନେକ ରୁମ୍‌ ବୁକ୍ କରାଯାଇଛି।

କ୍ୟାଟ୍ରିନା ଏବଂ ଭିକିଙ୍କ ବିବାହ ଉତ୍ସବ ଡିସେମ୍ବର ୭ ରୁ ୯ ମଧ୍ୟରେ ଶେଷ ହେବ । ଏହି ସମୟରେ ଅତିଥିମାନେ ରଣଥାମ୍ବୋରରେ ଟାଇଗର ସଫାରି ମଧ୍ୟ ଉପଭୋଗ କରିପାରିବେ। ଏହି ରାଜକୀୟ ବିବାହକୁ ଆସୁଥିବା ଭିଆଇପି ଅତିଥିମାନଙ୍କୁ ଦେଖିବା ପାଇଁ ସମୁଦାୟ ୧୦୦ଟି ବାଉନ୍ସର୍ର ମଧ୍ୟ ବ୍ୟବସ୍ଥା କରାଯାଇଛି। ଜୟପୁରର ଏମ୍‌ଏଚ୍‌ ସୁରକ୍ଷା କମ୍ପାନୀ ତରଫରୁ ଭିଆଇପି ଅତିଥିମାନେ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବେ ସେଥି ପ୍ରତି ସ୍ବତନ୍ତ୍ର ବ୍ୟବସ୍ଥା କରାଯାଇଛି । ବର୍ତ୍ତମାନ କ୍ୟାଟ୍ରିନା ଏବଂ ଭିକି  ଦୁହେଁ ନିଜ ବିବାହ ପ୍ରସ୍ତୁତିରେ ବ୍ୟସ୍ତ ଅଛନ୍ତି । କାହିଁକି ନା ବିବାହକୁ ଆସୁଥିବା ଅତିଥିମାନଙ୍କର କୌଣସି ପ୍ରକାର ଅଭାବ ଅସୁବିଧା ଅନୁଭବ ନହୁଏ । ଏହା ବ୍ୟତୀତ ଦୁହେଁ ଚାହୁଁଛନ୍ତି ଯେ ଏହି ବିବାହ କେବଳ ସେମାନଙ୍କ ପାଇଁ ନୁହେଁ ବରଂ ସେମାନଙ୍କ ଖୁସିରେ ଯୋଗଦେବାକୁ ଯାଉଥିବା ଅତିଥିମାନଙ୍କ ପାଇଁ ମଧ୍ୟ ସ୍ମରଣୀୟ ହେଉ।