ଏହି ଦେଶରେ ଗୋଟିଏ ଦିନରେ ୨୬ ଟଙ୍କା ମହଙ୍ଗା ହେଲା ତେଲ ଦାମ୍‌

ଏବେ ସେଠାରେ ପେଟ୍ରୋଲର ଦାମ ୧୦୦.୧୦ ଟଙ୍କା ପ୍ରତି ଲିଟର ହୋଇଛି। ଏହାପୂର୍ବରୁ ଏହି ଦର ୭୪.୫୨ ଟଙ୍କା ପ୍ରତି ଲିଟର ଥିଲା। ଯଦି ଭାରତୀୟ ମୁଦ୍ରା ସହିତ ତୁଳନା କରିବା ତ ପାକିସ୍ତାନରେ ପେଟ୍ରୋଲର ଦାମ ବର୍ତ୍ତମାନ କେବଳ ୪୫ ଟଙ୍କା ୧୮ ପଇସା ପଡୁଛି। ଏହିପରି ଭାବେ ଡିଜେଲ ମଧ୍ୟ ଭାରତୀୟ ଟଙ୍କାରେ କେବଳ ୪୫ ଟଙ୍କା ୮୦ ପଇସା ପଡିବ।

ଦିଲ୍ଲୀ ଭଳି ପାକିସ୍ତାନରେ ଡିଜେଲ, ପେଟ୍ରୋଲ ଠାରୁ ଦାମରେ ଅଧିକ ରହିଛି। ହାଇ ସ୍ପିଡ୍‌ ଡିଜେଲର ଦାମ ୨୧.୩୧ ଟଙ୍କା ବୃଦ୍ଧି ପାଇଛି। ଏବେ ଏଠାରେ ୧୦୧.୪୬ ଟଙ୍କା ପ୍ରତି ଲିଟର ବିକ୍ରି କରାଯାଉଛି। ସେହିପରି ଡିଜେଲ ଦାମରେ ମଧ୍ୟ ୧୭.୫୫ ଟଙ୍କା ବୃଦ୍ଧି ପାଇଛି।