ସଞ୍ଜନାଙ୍କ ହାତ ଧରିବେ କି ବୁମରା?

ମୁମ୍ବଇ : ଭାରତର ଡାହାଣହାତୀ ଦ୍ରୁତ ବୋଲର ଯଶପ୍ରୀତ ବୁମରା କିଛି ଦିନ ପୂର୍ବରୁ ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରୁ ଓହରି ଯାଇଥିବାର ଖବର ଆସିବା ପରେ ସେ ଚର୍ଚ୍ଚାର ଶିରୋନାମାରେ ଥିଲେ । ସେ ଏକ ବ୍ୟକ୍ତିଗତ କାରଣ ଦର୍ଶାଇ ବିସିସିଆଇକୁ ତାଙ୍କୁ ମୁକ୍ତ କରିବାକୁ କହିଥିଲେ। ସେବେଠାରୁ ଯଶପ୍ରୀତ ବୁମରାଙ୍କ ବିବାହ ବିଷୟରେ ସୋସିଆଲ ମିଡିଆ ଏବଂ ଇଣ୍ଟରନେଟରେ ଅନେକ ଗୁଜବ ପ୍ରଚାରିତ ହୋଇଥିଲା। ଯଦିଓ ଏହି କ୍ରିକେଟର ନିଜେ ଆନୁଷ୍ଠାନିକ ଭାବରେ କିଛି ନିଶ୍ଚିତ କରିନାହାଁନ୍ତି, ଗୁଜବ ହେଉଛି ଯେ ସେ କ୍ରୀଡ଼ା ଉପସ୍ଥାପିକା ସଞ୍ଜନା ଗଣେଶନଙ୍କୁ ବିବାହ କରିବେ । କିଛି ରିପୋର୍ଟରେ ଦର୍ଶାଯାଇଛି ଯେ ବୁମରା ଗୋଆରେ ସଞ୍ଜନା ଗଣେଶଙ୍କୁ ବିବାହ କରିବେ।

କିଛି ପୋର୍ଟାଲ୍ ଦାବି କରିଛି ଯେ ସୂତ୍ରରୁ ପ୍ରକାଶ ଯେ ବୁମରା ଏବଂ ସଞ୍ଜନା ଗଣେଶ ଆଗାମୀ 14-15 ତାରିଖରେ ଗୋଆରେ ବିବାହ କରିବେ। ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ବିବାହର ପ୍ରସ୍ତୁତି ସମ୍ପୂର୍ଣ୍ଣ ହୋଇଛି ଏବଂ କରୋନାଭାଇରସ୍ ମହାମାରୀ ଯୋଗୁଁ ଏଥିରେ ଖୁବ୍ କମ୍ ଲୋକ ଯୋଗଦେବେ।

ସଞ୍ଜନା ଗଣେସନ ଷ୍ଟାର ସ୍ପୋର୍ଟସ ପାଇଁ ଆଙ୍କରିଂ ପାଇଁ ଜଣାଶୁଣା ଏବଂ ଆଇପିଏଲ୍, ଆଇସିସି, କ୍ରିକେଟ୍ ବିଶ୍ୱକପ୍, ପ୍ରୋ ବ୍ୟାଡମିଣ୍ଟନ୍ ଲିଗ୍ ପାଇଁ ସୋ ଆୟୋଜନ କରିଆସୁଛନ୍ତି | ସେ ମଧ୍ୟ ମିସ୍ ଇଣ୍ଡିଆ 2014 ଫାଇନାଲିଷ୍ଟ ।
ଖବର ଅନୁଯାୟୀ, ବିସିସିଆଇ ଏକ ବିବୃତ୍ତି ଜାରି କରି ଏହା ପ୍ରମାଣିତ କରିଛି ଯେ ବ୍ୟକ୍ତିଗତ କାରଣରୁ ବୁମରାଙ୍କୁ ମୁକ୍ତ କରାଯାଇଛି। ବ୍ୟକ୍ତିଗତ କାରଣରୁ ଚତୁର୍ଥ ଟେଷ୍ଟ ପୂର୍ବରୁ ଭାରତ ଦଳରୁ ମୁକ୍ତ ହେବା ପାଇଁ ଜସପ୍ରୀତ ବୁମ୍ରା ବିସିସିଆଇକୁ ଅନୁରୋଧ କରିଥିଲେ। ସେବେଠାରୁ କ୍ରିକେଟର କାହା ସହ ଗଣ୍ଠି ବାନ୍ଧିବେ ସେନେଇ କିଛି ନାମ ସୋସିଆଲ ମିଡିଆରେ ଭାସୁଥିଲା। ଏପରିକି ଦକ୍ଷିଣୀ ଅଭିନେତ୍ରୀ ଅନୁପମା ପରମେଶ୍ୱର ଙ୍କ ସହ ଲୁଚାଛପା ପ୍ରେମ ଚାଲିଥିଵା କୁହାଯାଉଥିଲା ।