ଜେଲରୁ ମୁକୁଳିବା ବାଟ ବନ୍ଦ: ଜେଲରୁ ବାହାରି ପାରିବେନି ପ୍ରଦୀପ ସେଠୀ
ଜେଲରୁ ଏବେ ବାହାରି ପାରିବେନି ଏଟି ଚିଟଫଣ୍ଡ ଦୁର୍ନୀତିର ଦୋଷୀ ପ୍ରଦୀପ ସେଠୀ । ଗତ ୭ବର୍ଷ ଜେଲ୍ରେ କଟାଇଥିବାରୁ ତାଙ୍କୁ ମୁକ୍ତ କରିବାକୁ ଆବେଦନ କରି ପ୍ରଦୀପ ସେଠୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ହାଇକୋର୍ଟର ଦୁଇଜଣିଆ ଖଣ୍ଡପୀଠ ମାମଲାର ଶୁଣାଣି କରି ଆବେଦନକୁ ଖାରଜ କରି ଦେଇଛନ୍ତି। ପ୍ରଦୀପଙ୍କ ଆବେଦନର ବିଚାର କରି ହାଇକୋର୍ଟ କହିଛନ୍ତି, ପ୍ରତ୍ୟେକ ମାମଲାର ଅଲଗା ଅଲଗା ବିଚାର ହେବ ଏବଂ ଅଲଗା ଅଲଗା ଭାବେ ଦଣ୍ଡ ମିଳିବ। ଏହା ଦ୍ୱାରା ବର୍ତ୍ତମାନ ପାଇଁ ପ୍ରଦୀପ ସେଠୀ ଜେଲରୁ ମୁକୁଳିବା ବାଟ ବନ୍ଦ ହୋଇଯାଇଛି ।
ଏଟି ଚିଟଫଣ୍ଡ ଠକେଇ ଅଭିଯୋଗରେ ସିବିଆଇ କୋର୍ଟ ପ୍ରଦୀପ ସେଠୀଙ୍କୁ ୭ବର୍ଷ ଜେଲ ଦଣ୍ଡରେ ଦଣ୍ଡିତ କରିବା ସହ ତାଙ୍କ ସମ୍ପତ୍ତିକୁ ବାଜ୍ୟାପ୍ତି କରିଥିଲେ । ପ୍ରଦୀପଙ୍କ ନାଁରେ ଏଟି ଗ୍ରୁପ୍ ଜମାକାରୀଙ୍କଠାରୁ ୫ଶହ କୋଟିରୁ ଅଧିକ ଟଙ୍କା ଠକେଇ କରିଥିବା ଅଭିଯୋଗ ରହିଛି। ଜମାକାରୀଙ୍କଠାରୁ ଟଙ୍କା ଠକିଥିବା ଏବଂ ଏହି ଟଙ୍କାରେ ଅୟସ କରିଥିବା ଅଭିଯୋଗକୁ ମାଜିଷ୍ଟ୍ରେଟଙ୍କ ସମ୍ମୁଖରେ ସ୍ୱୀକାର କରିଥିଲେ ପ୍ରଦୀପ ସେଠୀ।