ମାହାଙ୍ଗା() ଆଜି ପବିତ୍ର ଅକ୍ଷୟତୃତୀୟାରେ ଏକ ସମୀକ୍ଷା ବୈଠକରେ ମାହାଙ୍ଗା ନିର୍ବାଚନ ମଣ୍ଡଳିର ସମସ୍ତ ନେତୃବୃନ୍ଦଙ୍କ ସହ ଭିଡିଓ କନଫରେନ୍ସ ଜରିଆରେ ବିକାଶ ପରିଷଦ ଅଧ୍ୟକ୍ଷ ତଥା ବିଜେପି ନେତା ଶାରଦା ପ୍ରଧାନ ଆଲୋଚନା କରିଛନ୍ତି । କରୋନା ବିତ୍ପତିରେ ଶାରଦା ନିଜ ନିର୍ବାଚନ ମଣ୍ଡଳିରେ ଏ ପର୍ଯ୍ୟନ୍ତ ୫୦,୦୦୦ ମାସ୍କ ଓ ୫୦,୦୦୦ ସାବୁନ ବଣ୍ଟନ କରିବା ସହ ପଞ୍ଚାୟତରେ ଶୁଖିଲା ଖାଦ୍ୟ ବଣ୍ଟନ କରିବା ସହ ରାଜ୍ୟ ବାହାରେ ଥିବା ଲୋକମାନଙ୍କୁ ସହଯୋଗ କରିଚାଲିଛନ୍ତି ।
ଏହା ସହ ୨୦,୦୦୦ ପରିବାର ପାଖରେ ମାସ୍କ,ସାବୁନ ପହଞ୍ଚାଇଛନ୍ତି । ଓ ଯେଉଁ ପ୍ରବାସୀ ଓଡିଆମାନେ ମାହାଙ୍ଗାକୁ ଆସିବେ ସେମାନଙ୍କୁ ୩୦,୦୦୦ ମାସ୍କ ବାଣ୍ଟିବାର ବ୍ୟବସ୍ଥା କରାଯାଇଛି ବୋଲି କହିଛନ୍ତି ଶାରଦା ପ୍ରଧାନ । ଏହ ସହ ଆଜି ଭଳି ପବିତ୍ର ଦିନରେ ସେ ନିଷ୍ପତି ନେଇଛନ୍ତି ୧୦୦୦୦ ଗରିବ ଲୋକଙ୍କୁ ଖାଦ୍ୟ ଯୋଗାଇବେ ।
ଏହା ସହ ଶାରଦ ଆହୁରି କହିଛନ୍ତି, ସୋସିଆଲ ମିଡିଆରେ ମୁଁ ଦେଖୁଛି ଯେ କିଛି ଗ୍ରାମପଞ୍ଚାୟତରେ ସଠିକ ଭାବେ ସାମଗ୍ରୀ ପହଞ୍ଚି ପାରୁନି। ତେଣୁ ସମସ୍ତ ଗ୍ରାମପଞ୍ଚାୟତର ନେତୃବୃନ୍ଦଙ୍କୁ ମୁଁ ନିବେଦନ କରୁଛି ଏ ଅସମୟରେ ସେମାନେ ଲୋକ ମାନଙ୍କ ପାଖରେ ପହଞ୍ଚନ୍ତୁ । ଶାରଦାଙ୍କ ଏଭଳି ମହତ କାର୍ଯ୍ଯ ଓ ଏଭଳି ଜନସେବା ଚିନ୍ତାଧାରା ଉଦାହରଣ ପାଲଟିବା ସହ ଅନେକରେ ଚର୍ଚ୍ଚାର ବିଷୟ ପାଲଟିଛି ।