ପ୍ରଶାନ୍ତ କିଶୋରଙ୍କର ରହିଛି ମୁଖ୍ୟ ଭୂମିକା : TMCରେ ସାମିଲ ହେବା ପରେ ଶତ୍ରୁଘ୍ନ ସିହ୍ନାଙ୍କ ଖୁଲାସା
ସଦ୍ୟ କଂଗ୍ରେସରୁ ମମତା ବାନାର୍ଜୀଙ୍କ ତୃଣମୂଳ କଂଗ୍ରେସକୁ ସ୍ୱିଚ୍ କରିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ତଥା ପ୍ରସିଦ୍ଧ ଫିଲ୍ମ ଅଭିନେତା ଶତ୍ରୁଘ୍ନ ସିହ୍ନା। ସେ ଏହି କଥାର ଖୁଲାସା ବି କରିଛନ୍ତି କି , ତାଙ୍କର ଏହି ଦଳ ପରିବର୍ତ୍ତନ ପଛରେ କାହାର ହାତ ଅଛି। ସେ କହିଛନ୍ତି ଏହି ପଦକ୍ଷେପ ନେବାରେ ତାଙ୍କୁ ସାହାଯ୍ୟ କରିଛନ୍ତି ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର। ଏନଡିଟିଭିକୁ ଦେଇଥିବା ଏକ ସାକ୍ଷାତ୍କାରରେ ଶତ୍ରୁଘ୍ନ ସିହ୍ନା କହିଥିଲେ କି ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର ଓ ପୂର୍ବତନ କେନ୍ଦ୍ର ମନ୍ତ୍ରୀ ଯଶୱନ୍ତ ସିହ୍ନା ତାଙ୍କର ଟିଏମସି ଯିବାରେ ପ୍ରମୁଖ ଭୂମିକା ନିଭାଇଛନ୍ତି।
କହି ରଖୁଛି କି , ଜଣାଶୁଣା ଅଭିନେତା ଶତ୍ରୁଘ୍ନ ସିହ୍ନା ମଙ୍ଗଳବାର କଂଗ୍ରେସ ଛାଡ଼ି ତୃଣମୂଳ କଂଗ୍ରେସ(ଟିଏମ୍ସି)ରେ ସାମିଲ ହୋଇଥିଲେ । ସେ ଟ୍ୱିଟ୍ କରି ଏହାର ସୂତନା ଦେଇଥିଲେ । ଏହା ପୂର୍ବରୁ ମମତାଙ୍କ ଦଳ ତାଙ୍କୁ ଆସନସୋଲ ଲୋକସଭା ସିଟ୍ରୁ ଉପନିର୍ବାଚନ ପାଇଁ ନିଜର ପ୍ରାର୍ଥୀ ଘୋଷିତ କରିଥିଲେ ।
ଶତ୍ରୁଘ୍ନ ସିହ୍ନା କହିଛନ୍ତି , ମମତା ବାନାର୍ଜୀଙ୍କ ସହ ଯୋଡ଼ି ହେବା ମୋ ପାଇଁ ଏକ ବଡ଼ ସମ୍ମାନ ଓ ଅବସର ଥିଲା। ତାଙ୍କର ପାର୍ଟି ମୋତେ ଚାହୁଁଥିଲା , ସେ ଟ୍ୱିଟ୍ କରିଛନ୍ତି କି ମୋତେ ତୃଣମୂଳରେ ରହିବା ଉଚିତ୍ ଏବଂ ଆସନସୋଲ ସଂସଦୀୟ ସିଟ୍ରୁ ନିର୍ବାଚନ ଲଢ଼ିବା ଉଚିତ୍। ମୋର ବଡ଼ ଭାଇ ଯଶୱନ୍ତ ସିହ୍ନା ଓ ପ୍ରଶାନ୍ତ କିଶୋର ବହୁତ ମହତ୍ତ୍ୱପୂର୍ଣ୍ଣ ଭୂମିକା ନିଭାଇଛନ୍ତି। କଂଗ୍ରେସ କାହିଁକି ଛାଡ଼ିଲ ଏହା ପଚରା ଯିବାରୁ , ଶତ୍ରୁଘ୍ନ ସିହ୍ନା କହିଥିଲେ ତାଙ୍କୁ ଲାଗୁନି କି ପାର୍ଟିରେ କଣ ଭୁଲ୍ ହୋଇଛି , ଏହି ବିଷୟରେ କହିବା ଏହା ପ୍ରକୃତ ସମୟ ନୁହେଁ। ପୂର୍ବତନ କେନ୍ଦ୍ର ମନ୍ତ୍ରୀ କହିଛନ୍ତି , ବହୁତ ଜିନିଷ ଥିଲା। ମୁଁ ସଙ୍କଟ ସମୟରେ କଂଗ୍ରେସର ସମାଲୋଚନା କରିବାକୁ ଚାହୁଁନାହିଁ । ମୋର ଧ୍ୟାନ ପୂରା ତୃଣମୂଳର ପସନ୍ଦ , ମମତା ବାନାର୍ଜୀଙ୍କ ଇଚ୍ଛାରେ ମୁଁ ଆସନସୋଲରୁ ଲଢ଼ିବି ।