ରାଜ୍ୟସଭାରେ ନିଯୁକ୍ତ ହେଲେ ବିଜେଡି ନେତା ସସ୍ମିତ ପାତ୍ର

ରାଜ୍ୟସଭାରେ ବିଜେଡି ନେତା ନିଯୁକ୍ତ ହେଲେ ଡ.ସସ୍ମିତ ପାତ୍ର । ରାଜ୍ୟସଭା ସଂସଦୀୟ ଦଳ ନେତା ଭାବେ ନିଯୁକ୍ତ ହୋଇଛନ୍ତି ସସ୍ମିତ ପାତ୍ର । ସେହିପରି ବିଜେଡି ଚିଫ୍ ହୁଇପ ଭାବେ ସୁଲତା ଦେଓଙ୍କୁ ନିଯୁକ୍ତ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରେସ ବିବୃତ୍ତି ମାଧ୍ୟମରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶ ଏନେଇ ସୂଚନା ଦେଇଛନ୍ତି । ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାସଂଦ ସସ୍ମିତ ପାତ୍ର ଏବଂ ସୁଲତା ଦେଓଙ୍କୁ ନୂତନ ଦାୟିତ୍ୱ ଦେଇଥିବା ଜଣାଇଛନ୍ତି । ତେବେ ସସ୍ମିତ ନିଜର ପ୍ରତିଭାକୁ ସଂସଦରେ ପ୍ରକାଶିତ କରିଛନ୍ତି । ଏପରିକି ପୂର୍ବପରି ରାଜ୍ୟସଭା ଉପଧ୍ୟକ୍ଷ ପ୍ୟାନଲରେ ମଧ୍ୟ ରହିଛନ୍ତି ।