ସେନା ଦିବସରେ ସହିଦ ହେଲେ ଓଡିଆ ଯବାନ

ଗଜପତି: ଜାମ୍ମୁ-କାଶ୍ମୀରରେ ଜଣେ ଓଡ଼ିଆ ଯବାନ ସହିଦ ହୋଇଛନ୍ତି । ସଶସ୍ତ୍ର ସୀମା ବଳ ବୀରପୁର ତାଲିମ କେନ୍ଦ୍ରରେ ଟ୍ରେନିଂ ବେଳେ ବିଦ୍ୟୁତ୍ ସଂଯୋଗରେ ଆସି ୩ ଯବାନ ସହିଦ ହୋଇଛନ୍ତି । ମୃତ ଯବାନଙ୍କ ମଧ୍ୟରେ ଗଜପତି ଜିଲ୍ଲା ରାୟଗଡ ବ୍ଲକର କୁରୁଗୁବା ଗାଁର ପର୍ଶୁରାମ ଶବରଙ୍କ ମୃତ୍ୟୁ ହୋଇଛି । ଗତ ଏପ୍ରିଲ ମାସରେ ସେ ଝଝଈରେ ଯବାନ ଭାବେ ନିଯୁକ୍ତି ପାଇଥିଲେ । ନିଯୁକ୍ତି ପାଇବା ପରେ ସେ ତାଲିମ ନେଉଥିବା ସମୟରେ ଏହି ଅଘଟଣ ଘଟିଛି । ପର୍ଶୁରାମ ଶବରଙ୍କ ମୃତ୍ୟୁ ଖବର ଆସିବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ଆଜି ତାଙ୍କ ମରଶରୀର ଏକ ସ୍ୱତନ୍ତ୍ର ବିମାନ ଯୋଗେ ଭୁବନେଶ୍ୱରରେ ପହଞ୍ଚିବ । ସେଠାରୁ ତାଙ୍କ ନିଜ ଗାଁ କୁରୁବୁଗାକୁ ଅଣାଯିବ। ଅପରାହ୍ନ ଦୁଇଟା ସମୟରେ ମରଶରୀର ଗାଁରେ ପହଞ୍ଚିବା ନେଇ ସୂଚନା ମିଳିଛି।