ଲୋକସଭାରେ ଭୁଲ ତଥ୍ୟ ଦେଲେ ପ୍ରତାପ

ନୂଆଦିଲ୍ଲୀ()   ଲୋକସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କରୁକରୁ ପୂର୍ବତନ ପ୍ରଧାନମନ୍ତ୍ରୀ ତଥା ବିଜେପିର ପ୍ରତିଷ୍ଠାତା ସଦସ୍ୟ ଅଟଳ ବିହାରୀ ବାଜପେୟୀଙ୍କ ବାବଦରେ ଭୁଲ ତଥ୍ୟ ଦେଇଦେଲେ ବାଲେଶ୍ୱର ସାଂସଦ ତଥା କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀ । ଯାହା ଏବେ ଜାତୀୟ ଗଣମାଧ୍ୟମରେ ଜୋରଦାର ଚର୍ଚ୍ଚା ହେବାରେ ଲାଗିଛି ।

ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଗତ କରି ବକ୍ତବ୍ୟ ରଖିବା ସମୟରେ କହିଥିଲେ ଯେ, ୧୯୭୧ ମସିହାରେ ଅଟଳ ବିହାରୀ ବାଜପେୟୀ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ପ୍ରଶଂସା କରୁଥିଲେ ।ସେ ଇନ୍ଦିରାଙ୍କୁ ଦୁର୍ଗା ବୋଲି କହିଥିଲେ । କଂଗ୍ରେସ ମଧ୍ୟ ଭଲ କଥା ପାଇଁ ପ୍ରଶଂସା କରିବା ଆବଶ୍ୟକ ।

ତେବେ ଖୋଦ ଅଟଳ ଜୀବିତ ଥିବା ସମୟରେ ଏ କଥାକୁ ଅସ୍ୱୀକାର କରିଥିଲେ । ବାଜପେୟୀ ସ୍ପଷ୍ଟ ଭାବେ ଗଣମାଧ୍ୟମକୁ କହିଥିଲେ ଯେ ସେ ଇନ୍ଦିରାଙ୍କୁ ଏଭଳି କିଛି ବି ସମ୍ବୋଧନ କରିନଥିଲେ । ସେତେବେଳେ ବାଜପେୟୀ ଇନ୍ଦିରାଙ୍କୁ ଦୁର୍ଗା କହିଥିବାର ଆଲୋଚନା ହୋଇଥିଲା । କିନ୍ତୁ ବାଜପେୟୀ ଏହି କଥା ଖଣ୍ଡନ କରିଥିଲେ ।