ଟଙ୍କା ରଖିବା ସମ୍ପର୍କରେ ମନ୍ଦିର ପରିଚାଳନା କମିଟି ନିଷ୍ପତ୍ତି ନିଏ, ରାଜ୍ୟ ସରକାର ନୁହେଁ

ଭୁବନେଶ୍ୱର() ୟେସ୍ ବ୍ୟାଙ୍କରେ ମହାପ୍ରଭୁ ଜଗନ୍ନାଥଙ୍କ ୫୪୫ କୋଟି ଟଙ୍କା ଜମା ପ୍ରସଙ୍ଗକୁ ନେଇ ବିଧାନସଭାରେ ବିବୃତି ରଖିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜରୀ । ସେ କହିଛନ୍ତି ଟଙ୍କା ରଖିବା ସମ୍ପର୍କରେ ମନ୍ଦିର ପରିଚାଳନା କମିଟି ନିଷ୍ପତ୍ତି ନିଏ । ଏଥିରେ ରାଜ୍ୟ ସରକାର ହସ୍ତକ୍ଷେପ କରନ୍ତି ନାହିଁ । ଶ୍ରୀମନ୍ଦିର ଟଙ୍କା ରଖିବା ନେଇ ୧୨ଟି ବ୍ୟାଙ୍କ ପ୍ରସ୍ତାବ ଦେଇଥିଲେ । କିନ୍ତୁ ୟେସ୍ ବ୍ୟାଙ୍କ ସର୍ବାଧିକ ୮.୬୧% ସୁଧ ପ୍ରସ୍ତାବ ଦେଇଥିଲା । ଅଧିକ ସୁଧ ପ୍ରସ୍ତାବ ୟେସ୍ ବ୍ୟାଙ୍କ ଦେଇଥିବାରୁ ଟଙ୍କା ରଖାଯାଇଥିଲା । ୟେସ୍ ବ୍ୟାଙ୍କ ସହ କାରବାର ନକରିବାକୁ କୌଣସି ପ୍ରକାର ସୂଚନା ମଧ୍ୟ ନଥିଲା ।