ଭାରତ-ନେପାଳ ସୀମାରେ ଗୁଳିକାଣ୍ଡ
ନୂଆଦିଲ୍ଲୀ : ଭାରତ –ନେପାଳ ସୀମାରେ ପୁଣି ଥରେ ନେପାଳ ପଟରୁ ଫାୟାରିଂ ଆରମ୍ଭ ହୋଇଛି । ଏହି ଘଟଣାରେ ଜଣେ ଭାରତୀୟ ଯୁବକ ଗୁରୁତର ଆହତ ହୋଇଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ଘଟଣା ବିହାରରେ ଟେଢ଼ାଗାଛର ଫତେହପୁର ସ୍ଥିତ ଭାରତ-ନେପାଳ ସୀମାରେ ହୋଇଛି । ଏଠାରେ ଶନିବାର ରାତିରେ ନେପାଳ ପୁଲିସ୍ ୩ ଜଣ ଭାରତୀୟ ନାଗରିକଙ୍କୁ ଗୁଳି କରିଥିଲେ । ଯେଉଁଥିରେ ଜଣେ ଯୁବକ ଆହତ ହୋଇଥିଲେ । ଆହତ ଯୁବକଙ୍କୁ ଅନନ-ଫାନନରେ ଚିକିତ୍ସା ପାଇଁ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଟେଢ଼ାଗାଛ ଅଣାଯାଇଥିଲା । ଯାହାପରେ ଏହାକୁ ଭଲ ଚିକିତ୍ସା ପାଇଁ ରେଫରଲ ହସ୍ପିଟାଲ ପଠାଇ ଦିଆଯାଇଥିଲା ।
ଆହତ ଯୁବକଙ୍କ ଅବସ୍ଥା ବହୁତ ଗୁରୁତର ବୋଲି କୁହାଯାଇଛି । ଯୁବକଙ୍କ ଚିକିତ୍ସା ପୂର୍ଣ୍ଣିୟାରେ କରାଯାଉଛି । ସ୍ଥାନୀୟ ଗ୍ରାମବାସୀ କହିଛନ୍ତି ଆହତ ଯୁବକଙ୍କ ନାଁ ଡିତେନ୍ଦ୍ର କୁମାର ସିଂହ (୨୫) ଏବଂ ତାଙ୍କର ଦୁଇ ଜଣ ସାଥି ଅଙ୍କିତ କୁମାର ସିଂହ ଓ ଗୁଲସନ କୁମାର ସିଂହ ପାଖାପାଖି ସମୟ ୭.୩୦ରେ ନିଜ ଗାଈକୁ ଖୋଜିବାକୁ ଭାରତ-ନେପାଳ ସୀମା ସ୍ଥିତ ମାଫି ଟୋଲା ଓ ମଲ୍ଲାହ ଟୋଲା ଯାଇଥିଲେ ।