ବାଂଲାଦେଶକୁ ୯୫ ରନରେ ହରାଇଲା ଭାରତ, ଧୋନୀ-ରାହୁଲଙ୍କ ଶତକ

ଉଭୟ ବ୍ୟାଟସମ୍ୟାନ ଭାରତୀୟ ବୋଲିଂର ମୁକାବିଲା କରି ଦଳର ସ୍କୋରକୁ ଆଗକୁ ନେଇଥିଲେ। ଏହି କ୍ରମରେ ଉଭୟ ବ୍ୟାଟସମ୍ୟାନ ଅର୍ଦ୍ଧଶତକ ହାସଲ କରିଥିଲେ। ଦୁଇ ବ୍ୟାଟସମ୍ୟାନ ୩ୟ ଓ୍ଵିକେଟରେ ୧୨୦ ରନ ଯୋଡି ସ୍କୋରକୁ ୧୬୯ରେ ପହଞ୍ଚାଇବା ସହ ଦଳ ପାଇଁ ବିଜୟ ଆଶା ଉଜ୍ଜିବୀତ କରିଥିଲେ। ମାତ୍ର ୟୁଜବେନ୍ଦ୍ର ଚହଲ ଲିଟନ ଦାସଙ୍କୁ ଧୋନୀଙ୍କ ଦ୍ଵାରା ଷ୍ଟମ୍ପ ଆଉଟ୍ କରାଇ ଯୋଡିକୁ ଭାଙ୍ଗିଥିଲେ। ଏହା ପୂର୍ବରୁ ଲିଟନ ୯୦ ବଲରୁ ୧୦ ଚୌକା ଜରିଆରେ ୭୩ ରନ କରିଥିଲେ।

ଲିଟନଙ୍କ ଆଉଟ୍ ପରେ ବାଂଲାଦେଶ ଭାରତୀୟ ବୋଲିଂର ମୁକାବିଲା କରିନପାରି ବ୍ୟାଟିଂ  ବିପର୍ୟ୍ୟ ୟ ଭୋଗିଥିଲା। ସେହି ୧୬୯ ରନ ସ୍କୋରରେ ମହମ୍ମଦ ମିଥୁନଙ୍କୁ ଚହଲ ଆଉଟ୍ କରି ଭାରତକୁ ଚତୁର୍ଥ ସଫଳତା ଦେଇଥିଲେ। ଏହା ପରେ ବାଂଲାଦେଶ କ୍ରମାଗତ ଓ୍ଵିକେଟ୍ ହରାଇ ଚାଲିଥିଲା। ୧୯୧ ରନ ସ୍କୋରରେ ମହମ୍ମଦୁଲ୍ଲାହ(୯)ଙ୍କୁ ଆଉଟ୍ କରି କୁଲଦୀପ ଭାରତକୁ ପଞ୍ଚମ ସଫଳତା ଦେଇଥିଲେ। ଏହା ପରେ ଦଳ ପାଇଁ ସଙ୍କଟ ମୋଚନ ସାଜିଥିବା ମୁସଫିକର ରହିମ ଆଉଟ୍ ହେବା ପରେ ବାଂଲାଦେଶର ବିଜୟ ଆଶା ମଉଳି ଯାଇଥିଲା। ମୁସଫିକର ୨୧୬ ରନ ସ୍କୋରରେ ବ୍ୟକ୍ତିଗତ ୯୪ ବଲରୁ ୮ ଚୌକା ଓ ୨ ଛକା ବଳରେ ୯୦ ରନ କରି ଆଉଟ୍ ହୋଇଥିଲେ। କୁଲଦୀପ ତାଙ୍କୁ କ୍ଲିନ ବୋଲ୍ଡ କରି ଭାରତକୁ ଷଷ୍ଠ ସଫଳତା ଦେଇଥିଲେ।

ସେହି ୨୧୬ ସ୍କୋରରେ ବାଂଲାଦେଶକୁ ସପ୍ତମ, ଅଷ୍ଟମ ଝଟକା ଲାଗିଥିଲା। ଶେଷ ଆଡକୁ ମହମ୍ମଦ ସୈଫୁଦିନ ୧୮ ଓ ମହେନ୍ଦି ହାସନ ୨୭ ରନ କରି ପାଭିଲିୟନ ଫେରିଥିଲେ। ଏହି ପରି ଏକଦା  ୧୬୯ ରନରେ ୩ ଓ୍ଵିକେଟ୍ ହରାଇଥିବା ବାଂଲାଦେଶ ଶେଷ ୭ ଓ୍ଵିକେଟ୍ ୯୭ ରନରେ ହରାଇଥିଲା। ଦଳ ୧୬୯ ରୁ ୨୧୬ ମଧ୍ୟରେ ୫ ଓ୍ଵିକେଟ୍ ହରାଇବା ଦଳ ପାଇଁ ଘାତକ ହୋଇଥିଲା। ଶେଷରେ ଦଳ ୪୯.୩ ଓଭରରେ ୨୬୪ ରନରେ ଅଲଆଉଟ୍ ହୋଇଥିଲା।

ଭାରତ ପକ୍ଷରୁ ସଫଳ ବୋଲର ଭାବେ କୁଲଦୀପ ଯାଦବ ୪୭ ରନ ଦେଇ ୩ ସଫଳତା ଓ ୟୁଜବେନ୍ଦ୍ର ଚହଲ ୫୫ ରନ ଦେଇ ୩ ସଫଳତା ହାସଲ କରିଥିଲେ। ଯଶପ୍ରୀତ ବୁମରା ୨ ଓ ରବୀନ୍ଦ୍ର ଜାଡେଜା ୧ ଓ୍ଵିକେଟ୍ ନେଇଥିଲେ।