BRSରେ ମିଶିବାକୁ ହାଇଦ୍ରାବାଦ ଯାଉଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଗିରିଧାରୀ ଗମାଙ୍ଗ

ଆଜି ହାଇଦ୍ରାବାଦରେ BRS ରେ ବିଧିବଦ୍ଧ ଭାବେ ମିଶିବେ ପୂର୍ବତନ ମୁଖ୍ୟମନ୍ତ୍ରୀ ଗିରିଧାରୀ ଗମାଙ୍ଗ, ଶିଶିର ଗମାଙ୍ଗ ଏବଂ ହେମା ଗାମାଙ୍ଗ। ଭୁବନେଶ୍ୱରରୁ ହାଇଦ୍ରାବାଦ ଯାଉଛନ୍ତି ଗିରିଧାରୀ ଗମାଙ୍ଗ ପରିବାର । କିଛି ସମୟତଳେ ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିଥିଲେ ।

ଅନ୍ୟପଟେ ଆଜି ଜୟରାମ ପାଙ୍ଗୀ ଏବଂ ରାମଚନ୍ଦ୍ର ହାଁସଦା ମଧ୍ୟ ହାଇଦ୍ରାବାଦରେ BRS ରେ ଯୋଗ ଦେବେ । ପୂର୍ବତନ ବିଧାୟକ, ନବୀନ ନନ୍ଦ, ବୃନ୍ଦାବନ ମାଝୀ, ରାଘବ ସେଠୀ, ଦେବରାଜ ସେଠ, ବିଶିଷ୍ଟ ଚାଷୀ ନେତା ଅକ୍ଷୟ କୁମାର, ଚାଷୀ ନେତା ଶେଷଦେଵ ନନ୍ଦ, ସୂଚନା ଅଧିକାର କର୍ମୀ ପ୍ରଦୀପ ପ୍ରଧାନ ଆଜି BRS ରେ ଯୋଗ ଦେବେ । ୯ ଜଣ ପୂର୍ବତନ ବିଧାୟକ, ଜଣେ ପୂର୍ବତନ ସାଂସଦ ଆଜି ମିଶୁଛନ୍ତି। ସେହିପରି ବହୁ ଚାଷୀ ନେତା, ସମାଜସେବୀ, ଆଇନଜୀବୀ ମଧ୍ୟ BRS ମୁଖ୍ୟ କେ. ଚନ୍ଦ୍ରଶେଖର ରାଓଙ୍କ ଉପସ୍ଥିତରେ ଦଳରେ ଯୋଗ ଦେବାର କାର୍ଯ୍ୟକ୍ରମ ରହିଛି । ୧୪୭ ଓ ୨୧ ସାଂସଦ ପାଇଁ ପ୍ରାର୍ଥୀ ଦଳରେ ସାମିଲ ହେବେ । ଓଡ଼ିଶା ଇତିହାସ ଓ ଭୂଗୋଳର ପରିବର୍ତ୍ତନ ହେବ ବୋଲି ଚର୍ଚ୍ଚା ହେଉଛି ।