ସଲମାନଙ୍କ ପ୍ରେମିକା ଆଉ ନାହାନ୍ତି
ମୁମ୍ବାଇ:ଆଉ ନାହାନ୍ତି ସଲମାନ୍ଙ୍କ ପ୍ରିୟତମ ବାନ୍ଧବୀ ଯାହାକୁ ସେ ‘ମାଇଁ ଲଭ୍’ ବୋଲି ସମ୍ବୋଧନ କରୁଥିଲେ। ଗୁରୁବାର ସକାଳେ ବଲିଉଡ୍ର ଭାଇଜାନ୍ଙ୍କ ‘ମାଇଁ ଲଭ୍’ଙ୍କର ଦେହାନ୍ତ ହୋଇଯାଇଛି। ଆଜ୍ଞା ହଁ ଏହି ‘ମାଇଁ ଲଭ୍’ ହେଉଛନ୍ତି ସଲମାନ୍ଙ୍କ ପ୍ରିୟ ପୋଷା କୁକୁର, ଯାହାର ମୃତ୍ୟୁରେ ଉଭୟ ସଲମାନ୍ ଏବଂ ଚର୍ଚ୍ଚାରେ ଥିବା ତାଙ୍କ ପ୍ରେମିକା ଲୁଲିଆ ଗଭୀର ଶୋକ ପ୍ରକାଶ କରିଛନ୍ତି। ନିଜ ପ୍ରଶଂସକଙ୍କୁ ଏହି ଖବର ଦେବା ଅବସରରେ ସଲମାନ୍ କହିଛନ୍ତି, ‘‘ସବୁଠାରୁ ସୁନ୍ଦରୀ ମାଇଁ ଲଭ୍ ଆଜି ଚାଲିଗଲା। ତା’ର ଆତ୍ମାକୁ ଈଶ୍ୱର ସଦ୍ଗତି ପ୍ରଦାନ କରନ୍ତୁ।” ସେ ଏଥି ସହିତ ଏକ ଫଟୋ ମଧ୍ୟ ଶେୟାର କରିଛନ୍ତି ଯେଉଁଥିରେ ସେ ‘ମାଇଁ ଲଭ୍’କୁ ଚୂମ୍ବନ ଦେଉଥିବା ଦେଖାଯାଉଛି।
ସେହିଭଳି ଲୁଲିଆ ମଧ୍ୟ ‘ମାଇଁ ଲଭ୍’ ସହିତ କିଛି ଫଟୋ ଶେୟାର କରି ଲେଖିଛନ୍ତି, “ମାଇଁ ଲଭ୍, ତୁମ ଆତ୍ମା ଶାନ୍ତି ପାଉ। ତୁମେ ସବୁ ସମୟରେ ମୋ ହୃଦୟରେ ରହିବ।” ସେ ଏକ ଫଟୋ ଅପ୍ଲୋଡ୍ କରିଥିଲେ ଯେଉଁଥିରେ କ୍ୟାପ୍ସନ୍ ଲେଖାଥିଲା, “ରେଷ୍ଟ ଇନ୍ ପିସ୍ ବେବି ଗର୍ଲ୍।”