ବାହୁଡା ପାଇଁ ପୁରୀରେ କର୍ଫ୍ୟୁ
ପୁରୀ : ବାହୁଡା ଯାତ୍ରା ପାଇଁ ପୁରୀରେ କର୍ଫ୍ୟୁ ଜାରି କରାଯିବ । ଜୁନ୍ ୩୦ ତାରିଖ ରାତି ୧୦ଟାରୁ ଜୁଲାଇ ୨ ରାତି ୧୦ ଟା ପର୍ଯ୍ୟନ୍ତ ଏହି କର୍ଫ୍ୟୁ ଜାରି କରାଯିବ । ପୁରୀ ଜିଲ୍ଲାପାଳ ବଲଓ୍ୱନ୍ତ ସିଂ ଏହି ସୂଚନା ଦେଇଛନ୍ତି । କର୍ଫ୍ୟୁବେଳେ ସହରବାସୀ ଘରୁ ବାହାରି ପାରିବେ ନାହିଁ । ହୋଟେଲ୍ କିମ୍ବା ଲଜ୍ରୁ କେହି ବାହାରକୁ ବାହାରିବେ ନାହିଁ । ଏଭଳି କଟକଣା ଜାରି କରିଛି ପ୍ରଶାସନ । ଛାତରେ ଚଢ଼ି ବି ଦେଖିବାକୁ ବାରଣ କରାଯାଇଛି ।
ପୂର୍ବରୁ ରଥଯାତ୍ରା ବେଳା କର୍ଫ୍ୟୁ ଜାରିକରାଯାଇଥିଲା । କେବଳ ସେବାୟତମାନେ ରଥ ଟାଣିଥିଲେ ।ଗତ ସୋମବାର ରାତି ୯ଟାରୁ ବୁଧବାର ଅପରାହ୍ନ ୨ଟା ପର୍ଯ୍ୟନ୍ତ ୪୧ ଘଣ୍ଟା ପାଇଁ ସହରରେ କର୍ଫ୍ୟୁ ବଳବତ୍ତର ରହିଥିଲା। ସହରର ସମସ୍ତ ଗଳିକନ୍ଦି ସହିତ ପ୍ରବେଶ ପଥକୁ ସିଲ୍ କରି ଦିଆଯାଇଛିଲା । ପୁରୀ-ଭୁବନେଶ୍ୱର, ପୁରୀ-କୋଣାର୍କ, ପୁରୀ-ବ୍ରହ୍ମଗିରି ରାସ୍ତାକୁ ସିଲ୍ କରି ରାତିରୁ ପୁଲିସ ମୁତୟନ କରାଯାଇ ଥିଲା । ବଡ଼ଦାଣ୍ଡରେ ଥିବା ୧୦୮ କୋଠାରେ ଚଢ଼ି ନଜର ରଖିଥିଲା ପୁଲିସ ।