ଶରୀରରେ ଏହି ସବୁ ଭିଟାମିନ୍ ଅଭାବରୁ ଡ୍ରାଏ ହୋଇଯାଏ ସ୍କିନ୍
ଡ୍ରାଏ ସ୍କିନ୍ ସମସ୍ୟା ଅନେକ କାରଣରୁ ହୋଇପାରେ। ଯେପରି, ଋତୁ ପରିବର୍ତ୍ତନ, ଡିହାଇଡ୍ରେସନ୍, ବାର୍ଦ୍ଧକ୍ୟ, ଆଲର୍ଜି ଏବଂ ଶରୀରରେ ମାଇକ୍ରୋ ପୁଷ୍ଟିକର ଅଭାବ। ପରିବର୍ତ୍ତିତ ଋତୁରେ, ଅଧିକ ମଶ୍ଚରାଇଜର ବ୍ୟବହାର, ଅଧିକରୁ ଅଧିକ ପାଣି ପିଇବା ଏବଂ ଶରୀରରେ କୌଣସି ପ୍ରକାରର ପୁଷ୍ଟିକର ଜିନିଷର ଅଭାବକୁ ଦୂର କରି ଚର୍ମକୁ ହାଇଡ୍ରେଟେଡ୍ ଏବଂ କୋମଳ କରିପାରିବେ।
ହେଲ୍ଥଲାଇନ ଅନୁଯାୟୀ, ଯଦି ଆପଣଙ୍କ ଶରୀରରେ ଆବଶ୍ୟକ ନ୍ୟୁଟ୍ରିସନ୍ର ଅଭାବ ଥାଏ ତେବେ ଆପଣ ଏହାକୁ ପୂରଣ କରି ଡ୍ରାଏ ସ୍କିନ୍ ସମସ୍ୟାରୁ ରକ୍ଷା ପାଇପାରିବ। ତେବେ ଆସନ୍ତୁ ଜାଣିବା କେଉଁ ପୁଷ୍ଟିକର ଖାଦ୍ୟ ଅଭାବରୁ ଡ୍ରାଏ ସ୍କିନ୍ ସମସ୍ୟା ଦେଖାଯାଏ।
କୋଲାଜେନ୍ : କୋଲାଜେନ୍ ଶରୀରରେ ସବୁଠାରୁ ଅଧିକ ମାତ୍ରାରେ ମିଳୁଥିବା ପ୍ରୋଟିନ୍। କିଛି ଅନୁସନ୍ଧାନରୁ ଜଣାପଡିଛି, ଆମ ଚର୍ମରେ ଶୁଷ୍କତା, ବାର୍ଦ୍ଧକ୍ୟ, କୁଞ୍ଚନ ଇତ୍ୟାଦି ହ୍ରାସ କରିବାରେ କୋଲାଜେନ୍-ଆଧାରିତ ସପ୍ଲିମେଣ୍ଟଗୁଡ଼ିକ ଅତ୍ୟନ୍ତ ଲାଭଦାୟକ।
ଭିଟାମିନ୍ ଡି : ଅନୁସନ୍ଧାନରୁ ଜଣାପଡିଛି, ଶରୀରରେ ଭିଟାମିନ୍ ଡିର ଅଭାବରୁ ଡ୍ରାଏ ସ୍କିନ୍ ସମସ୍ୟା ଦେଖାଦିଏ। ଭିଟାମିନ୍ ଡି ଏକ ଦ୍ରବୀଭୂତ ଭିଟାମିନ୍ ଯାହା ଚର୍ମକୁ ସୁସ୍ଥ ରଖିବାରେ ସହାୟକ ହୋଇଥାଏ। ଭିଟାମିନ୍ ଡି ର ସବୁଠାରୁ ବଡ ଉତ୍ସ ହେଉଛି ସୂର୍ଯ୍ୟକିରଣ । ଏହା ବ୍ୟତୀତ ଆପଣ କ୍ଷୀର, ମସରୁମ୍ କିମ୍ବା ଭିଟାମିନ୍ ଭରପୂର ଜିନିଷ ଖାଇପାରିବେ।
ଭିଟାମିନ୍ ସି : ଭିଟାମିନ୍ ସି ଏକ ଆଣ୍ଟିଅକ୍ସିଡାଣ୍ଟ ଯାହା ଚର୍ମରେ କୋଲାଜେନ୍ ବୃଦ୍ଧି ପାଇଁ ଏକ ଜରୁରୀ ଭିଟାମିନ୍। ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ଆମ ଚର୍ମ ସ୍ତରରେ ଭିଟାମିନ୍ ସି ବହୁତ ପରିମାଣରେ ମିଳିଥାଏ। ଆମର ୧୦୦ ଗ୍ରାମ ଏପିଡର୍ମାଲ୍ ଚର୍ମ ସ୍ତରରେ ୬୫ ମିଗ୍ରା ଭିଟାମିନ୍ ସି ଥାଏ। ଖାଦ୍ୟରେ ଭିଟାମିନ୍ ସି ଅନ୍ତର୍ଭୁକ୍ତ କରି ଆମେ ଏହାର ଅଭାବକୁ ପୂରଣ କରିପାରିବା।