ଇଣ୍ଡିଆ ବ୍ଲକ ପ୍ରାର୍ଥୀଙ୍କୁ ସମର୍ଥନ ଦେବେ କି ଜଗନ?

ଉପରାଷ୍ଟ୍ରପତି ନିର୍ବାଚନ ପାଇଁ NDA ଏବଂ india ବ୍ଲକ ପ୍ରାର୍ଥୀ ଘୋଷଣା କରିଛନ୍ତି । NDA ମେଣ୍ଟ ସିପି ରାଧାକ୍ରିଷ୍ଣଙ୍କୁ ପ୍ରାର୍ଥୀ କରିଥିବା ବେଳେ india ମେଣ୍ଟ ସୁଦର୍ଶନ ରେଡ୍ଡିଙ୍କୁ ପ୍ରାର୍ଥୀଙ୍କୁ କରିଛି । ସୁଦର୍ଶନ ରେଡ୍ଡିଙ୍କ ନାଁ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡ଼ଗେ ଘୋଷଣା କରିବା ପରେ ସରଗରମର ହୋଇଛି ରାଜନୀତି । ତେବେ ସୁଦର୍ଶନ ରେଡ୍ଡୀ ହେଉଛନ୍ତି ସୁପ୍ରିମକୋର୍ଟର ପୂର୍ବତନ ବିଚାରପତି । ୨୦୦୭ରେ ସୁପ୍ରିମକୋର୍ଟର ଅତିରିକ୍ତ ବିଚାରପତି ଭାବରେ ନିଯୁକ୍ତ ହୋଇଥିଲେ । ତେବେ ଉପରାଷ୍ଟ୍ରପତି ନିର୍ବାଚନ ପାଇଁ ଦୁଇ ଦଳ ସେମନଙ୍କର ପ୍ରାର୍ଥୀ ଘୋଷଣା କରିବା ପରେ ବିଜୟ ପାଇଁ ଆରମ୍ଭ ଅଙ୍କକଷା । ସଂଖ୍ୟା ଗଣିତ ଅନୁସାରେ ମ୍ୟାଜିକ ନଂ ଠାରୁ ବହୁ ଦୂରରେ ଅଛନ୍ତି ବିରୋଧୀ । ବିଜୟୀ ହେବାକୁ ଦେଲେ 392 ଭୋଟ ଆବଶ୍ୟକ କିନ୍ତୁ ବିରୋଧୀଙ୍କ ପାଖେ ତାହା ନାହିଁ । ଏଭଳି ସ୍ଥିତିରେ ବିରୋଧ ଇଣ୍ଡିଆ ବ୍ଲକ୍ ପାଇଁ ସ୍ୱାଧୀନ ଏବଂ ଆଞ୍ଚଳିକ ଦଳଗୁଡ଼ିକର ସମର୍ଥନ ନିର୍ଣ୍ଣୟକ ଭୂମିକା ନେବ । କେଉଁ ଆଞ୍ଚଳିକ ଦଳ କାହାକୁ ସମର୍ଥନ ଦେବ ତାହା ଏବେ ଚର୍ଚ୍ଚାର ବିଷୟ ।

ଇଣ୍ଡିଆ ବ୍ଲକ ପ୍ରାର୍ଥୀଙ୍କୁ ସମର୍ଥନ ଦେବେ କି ଜଗନ?

ଉପରାଷ୍ଟ୍ରପତି ନିର୍ବାଚନରେ ବିଜେଡି ଭଳି ଓ୍ବାଇଏସ୍ଆର କଂଗ୍ରେସ ଉପରେ ଏବେ ସମସ୍ତଙ୍କ ନଜର ରହିଛି । ଦଳ କାହାକୁ ସମର୍ଥନ ଦେବ ସେନେଇ କଳ୍ପନାଜଳ୍ପନା ଲାଗି ରହିଛି । india ବ୍ଲକର ପ୍ରାର୍ଥୀ ସୁଦର୍ଶନ ରେଡ୍ଡୀ ଆନ୍ଧ୍ରପ୍ରଦେଶର ହୋଇଥିବାରୁ ଦଳ ଏବେ ଦୋଛକିରେ ପଡ଼ିଯାଇଛି । ଯଦି ଜଗନ ଏନଡିଏ ପ୍ରାର୍ଥୀ ସିପି ରାଧାକୃଷ୍ଣନଙ୍କୁ ସମର୍ଥନ କରନ୍ତି, ତେବେ ତାଙ୍କର ଦଳର ଆଞ୍ଚଳିକ ରାଜନୀତି ଉପରେ ପ୍ବଡ଼ ପ୍ରଭାବ ପଡ଼ିପାରେ । ନିଜ ରାଜ୍ୟର ପ୍ରାର୍ଥୀଙ୍କୁ ବିରୋଧ କରିବାର ପରିଣାମ ଭୋଗିପାରେ ଦଳ । ଏସବୁ ଭିତରେ ରାଜ୍ୟରେ ଜଗନଙ୍କ ମୁଖ୍ୟ ବିରୋଧୀ ହେଉଛି ଚନ୍ଦ୍ରବାବୁ ନାଇଡ଼ୁଙ୍କ ଟିଡିପି । ଜଗନଙ୍କୁ ସରକାରକୁ ହଟେଇ ରାଜ୍ୟରେ ସରକାର କରିଛି ଟିଡ଼ିପି । ଉଭୟ ଦଳ କେନ୍ଦ୍ରରେ ମୋଦିଙ୍କୁ ସମର୍ଥନ ଦେଉଥିଲେ ମଧ୍ୟ ରାଜ୍ୟରେ କିନ୍ତୁ ବଳ କଷାକଷି ହେଉଛନ୍ତି । ନିଜର ଆଞ୍ଚଳିକ ରାଜନୀତିକୁ ବଞ୍ଚେଇ ରଖିବା ଦୁଇ ଦଳଙ୍କ ପକ୍ଷେ ନିତ୍ୟାନ୍ତ ଜରୁରୀ । ତେଣୁ ଜଗନଙ୍କ ଓ୍ବାଇଏଓଆର ସୁଦର୍ଶନ ରେଡ୍ଡୀଙ୍କୁ ସମର୍ଥନ ଦେଇପାରେ ବୋଲି ରାଜନୈତିକ ବିଶେଷଜ୍ଞ ମାନେ ମତ ଦେଇଛନ୍ତି । ତେବେ ଆହୁରି ମଧ୍ୟ ଟିଡିପି ଏନ୍‌ଡିଏ ପ୍ରାର୍ଥୀଙ୍କୁ ସମର୍ଥନ ଦେଇଛି । ଚନ୍ଦ୍ରବାବୁ ନାଇଡୁ ସିଧା ସିଧା ସିପି ରାଧାକୃଷ୍ଣନଙ୍କୁ ସମର୍ଥନ ଜଣାଇଛନ୍ତି  । ଏଭଳି ସ୍ଥିତିରେ ଟିଡିପିକୁ ଚେକ ଦେବା ପାଇଁ ଜଗନଙ୍କ ଓ୍ବାଇଏଓଆର ସୁଦର୍ଶନ ରେଡ୍ଡୀଙ୍କୁ ସମର୍ଥନ ଦେବେ ବୋଲି ଅନୁମାନ କରାଯାଉଛି।