ଏୟାର ଷ୍ଟ୍ରାଇକ୍ ଦେଖିଥିବା ପାକିସ୍ତାନୀ ଯୁବକ କହିଲେ, ଆମେ ଶୋଇଥିଲୁ ୪ଟା ଡ୍ରୋନ୍ ଆସିଲା ଆଉ ସବୁ ଧ୍ବଂସ କରିଦେଲା
ଆମେ ଶୋଇଥିଲୁ ୪ଟା ଡ୍ରୋନ୍ ଆସିଲା ଆଉ ସବୁ ଧ୍ବଂସ କରିଦେଲା । ପାକିସ୍ତାନ ଉପରେ ହୋଇଥିବା ଏୟାର ଷ୍ଟ୍ରାଇକ୍ କୁ ନିଜ ଆଖିରେ ଦେଖିଥିବା ପାକିସ୍ତାନୀ ଯୁବକ କହିଛନ୍ତି ଏପରି । ପାକିସ୍ତାନ ମୁରିଦ୍ର ଜଣେ ସ୍ଥାନୀୟ ଯୁବକ ଯିଏ କି ଆତଙ୍କୀ ଶିବିର ଉପରେ ଭାରତ କରିଥିବା ଆକ୍ରମଣକୁ ଦେଖିଛନ୍ତି । ଯୁବକ ଜଣଙ୍କ ଅପରେସନ୍ ସିନ୍ଦୂର ବିଷୟରେ କହିଛନ୍ତି, ସେ ୪ଟି ଡ୍ରୋନ୍ ଦେଖିଥିଲେ । ଭାରତୀୟ ସେନା ପାକିସ୍ତାନ ଏବଂ ପିଓକେ ରେ ୯ଟି ଆତଙ୍କୀ ଆଡ୍ଡା ଉପରେ ଏୟାର ଷ୍ଟ୍ରାଇକ୍ କରିଥିଲା । ରାତି ପାଖାପାଖି ୧୨ଟା ୪୫ ରେ ଶୋଇଥିବା ବେଳେ ପ୍ରଥମେ ଗୋଟିଏ ଡ୍ରୋନ ଆସିଲା ତା ପରେ ଅନ୍ୟ ତିନୋଟି ଡ୍ରୋନ୍ ଆସିଥିଲା । ଏହି ଡ୍ରୋନୁ ସବୁ ମସଜିଦ୍ ଉପରେ ଆକ୍ରମଣ କରିଥିଲା । ଏହା ପରେ ସବୁ ଧ୍ବଂସ ହୋଇଯାଇଥିଲା ।
କାଶ୍ମୀରରେ ହୋଇଥିବା ପହଲଗାମ ଆକ୍ରମଣର ପ୍ରତିଶୋଧ ନେଇଛି ଭାରତ । ଏହି ଅପରେସନ୍ରେ ଭାରତୀୟ ବାୟୁସେନା, ଭାରତୀୟ ସ୍ଥଳ ସେନା ଏବଂ ନୈାସେନାର ମିଳିତ ଭୂମିକା ରହିଛି । ଅପରେସନ୍ ସିନ୍ଦୂରରେ ଏୟାର-ଟୁ ସରଫେସ୍ ମିସାଇଲ୍ ର ବ୍ୟବହାର କରାଯାଇଛି । ପାକିସ୍ତାନର ପ୍ରଧାନମନ୍ତ୍ରୀ ଶହବାଜ୍ ଶରିଫ୍ କହିଛନ୍ତି ଏହାର ପ୍ରତି ଜବାବ୍ ଦେବାକୁ ଆମର ପୂରା ଅଧିକାର ଅଛି । ତେବେ ଆକ୍ରମଣ ପରେ ପାକିସ୍ତାନ ଦ୍ବାରା ଜାମ୍ମୁ କାଶ୍ମୀରର ନିୟନ୍ତ୍ରଣ ରେଖା ଏବଂ ଅନ୍ତରାଷ୍ଟ୍ରୀୟ ସୀମାରେ ଭାରି ମାତ୍ରାରେ ଗୁଳିବର୍ଷା କରିଛି ପାକ୍ । ଏହାର କଡା ଜବାବ ଦେଇଥିଲା ଭାରତୀୟ ସେନା ।