ସର୍ଚ୍ଚ ଅପରେସନର ଆଗ ଧାଡିରେ ଓଡ଼ିଆ ପୁଅ
ପ୍ରତିଶୋଧ ନେଲା ଭାରତ । ଏପ୍ରିଲ ୨୨ ତାରିଖରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଭାରତ କାଲି ମଧ୍ୟରାତ୍ରରେ ପ୍ରତିଶୋଧ ନେଇଛି । କାଲି ମଧ୍ୟରାତ୍ରରେ ଭାରତୀୟ ସେନା ପାକ୍ ଅଧିକୃତ କାଶ୍ମୀର ଓ ପାକିସ୍ତାନର କିଛି ଅଂଶରେ ପ୍ରବେଶ କରି ଆତଙ୍କୀ କ୍ୟାମ୍ପକୁ ଧ୍ବଂସ କରିଛି । ଯେଉଁଥିରେ ୩୦୦ ଜଣ ଆତଙ୍କବାଦୀ ନିପାତ ହୋଛଇନ୍ତି । ସେନାର ପ୍ରହାରରେ ଥରିଉଠିଛି ପାକିସ୍ତାନ ।
ଭାରତୀୟ ସେନାର ଜୟ ଜୟକାର କରିଛନ୍ତି ଭାରତବାସୀ । ତେବେ ସବୁଠୁ ବଡ଼ କଥା ହେଉଛି ଅପରେସନ ସିନ୍ଦୂରରେ ସାମିଲ ଅଛନ୍ତି ଓଡ଼ିଆ ପୁଅ ସଚ୍ଚିକାନ୍ତ ବେଦୀ । ସିନ୍ଦୁର ଅପରେସନରେ ଆଗ ଧାଡିରେ ରହିଛନ୍ତି ସଚ୍ଚିକାନ୍ତ । ସର୍ଚ୍ଚ ଅପରେସନରେ ବି ସଚ୍ଚିକାନ୍ତ ଦେଖାଇଛନ୍ତି । ରାଜନଗରର ପୁଅ ହେଉଛନ୍ତି ସଚ୍ଚିକାନ୍ତ । ଯାହାଙ୍କ ପାଇଁ ଆଜି ପୂରା ଗାଁ ଡାଙ୍ଗମାଳ ଗର୍ବିତ । ପୁଅ ବର୍ଡରରେ ଶତ୍ରୁକୁ ନିପାତ କରୁଛି, ନିରିହ ପର୍ଯ୍ୟଟଙ୍କ ପ୍ରତି ହୋଇଥିବା ଆକ୍ରମଣର ପ୍ରତିଶୋଧ ନେଉଛି ବୋଲି ସଚ୍ଚିକାନ୍ତଙ୍କ ବାପା ଗର୍ବିତ । ସଚ୍ଚିକାନ୍ତଙ୍କ ବାପା ଏନେଇ କହିଛନ୍ତି ମୋ ପୁଅ ଦେଶ ପାଇଁ ଲଢୁଛି.. ଶତ୍ରୁକୁ ସଙ୍ଘାର କରୁଛି.. ସର୍ଚ୍ଚ ଅପରେସନ ପୂର୍ବରୁ ପୁଅ ସହିତ କାଲି ରାତିରେ କଥା ହୋଇଥିଲି । ସର୍ଚ୍ଚ ଅପରେସନରେ ଅଛି ବାପା ବର୍ତ୍ତମାନ ଟାଇମ୍ ନାହିଁ କଥା ହେବା ପାଇଁ।
ସଚ୍ଚିକାନ୍ତ ବେଦୀଙ୍କ ପାଇଁ ଆଜି ପୂରା ଗାଁର ଗର୍ବିତ । ଏ ନେଇ ଗ୍ରାମବାସୀ କହିଛନ୍ତି ଜାତୀୟ ଗଣମାଧ୍ୟମରେ ଯେତେବେଳେ ଶୁଣିବାକୁ ପାଇଲୁ ସଚ୍ଚିକାନ୍ତ ଅପରେସନ ସିନ୍ଦୁରରେ ଆଗ ଧାଡିରେ ସାମିଲ ଅଛନ୍ତି ସେତେବେଳେ ଆମ ସମସ୍ତଙ୍କ ଛାତି କୁଣ୍ଢେ ମୋଟ ହୋଇଗଲା । ଡାଙ୍ଗମାଳ ଗାଁରେ ଭାରତୀୟ ସେନାଙ୍କର ଜୟ ଜୟକାରରେ କମ୍ପି ଉଠିଛି । ସମସ୍ତଙ୍କ ମୁହଁରେ ଭାରତୀୟ ସେନାଙ୍କର ପ୍ରଂଶସା ।
ପହଲଗାମ୍ରେ ଆତଙ୍କବାଦୀ ରଚିଥିବା ନରସଂହାରରେ ୨୮ ହିନ୍ଦୁ ପର୍ଯ୍ୟଟକଙ୍କ ପ୍ରାଣ ଯାଇଥିଲା । ଏହାପରଠୁ ସାରା ଭାରତ ବର୍ଷରେ ପାକିସ୍ତାନ ପ୍ରତି ଆକ୍ରୋଶ ମୂଳକ ଭାବନା ସୃଷ୍ଟି ହୋଇଥିଲା । ପାକିସ୍ତାନକୁ ସାବାଡ କରିବାକୁ ଉଠିଥିଲା ନାରା । ଆତଙ୍କବାଦୀଙ୍କୁ ନିପାତ କରିବା ପାଇଁ ଜାଗ୍ରତ ହୋଇଥିଲେ ଦେଶବାସୀ । ଭାରତ ସରକାରଙ୍କ ହଜିଥିଲା ନିଦ । କିପରି ନେବେ ପ୍ରତିଶୋଧ ସେନେଇ ବସିଥିଲା ଘନ ଘନ ବୈଠକ । ମୋଦୀ ସରକାର ପାକ୍ ଉପରେ କି ପ୍ରକାର କାର୍ଯ୍ୟାନୁଷ୍ଠାନ ନେଉଛନ୍ତି ତାହା ଉପରେ ଦେଶବାସୀଙ୍କ ଥିଲା ନଜର । କାଲି ମଧ୍ୟରାତ୍ରରେ ପାକିସ୍ତାନ ଉପରେ ଅପରେସନ ସିନ୍ଦୂର ଏଆର ଷ୍ଟ୍ରାଇକ୍ କରି ମୋଦୀ ପୁଣି ଥରେ ପ୍ରମାଣିତ କରିଦେଇଛନ୍ତି ଭାରତ ସହିତ ଲାଗିଲେ ପରିସ୍ଥିତି ଏପରି ହିଁ ସାଙ୍ଘାତିକ୍ ହେବ ।