ହରିୟାଣାର ନୁହରୁ ଆଉ ଜଣେ ‘ପାକିସ୍ତାନୀ ଗୁପ୍ତଚର’ ଗିରଫ
ଅପରେସନ ସିନ୍ଦୁର ପରେ ଅସାମାଜିକ କାର୍ଯ୍ୟକଳାପକୁ ରୋକିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ, ହରିୟାଣାର ନୁହ ପୋଲିସ ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଆଉ ଜଣେ ବ୍ୟକ୍ତିଙ୍କୁ ଗିରଫ କରିଛି। ରାଜକା ଗ୍ରାମର ବାସିନ୍ଦା ଅରମାନଙ୍କୁ ସମାନ ଗୁପ୍ତଚର ଅଭିଯୋଗରେ ଗିରଫ କରାଯିବାର ମାତ୍ର ଦୁଇ ଦିନ ପରେ ଏହା ଘଟିଛି।
ଅଭିଯୁକ୍ତ ଜଣକ ହରିୟାଣାର ମେୱାତ ଜିଲ୍ଲାର ତାଓରୁ ତହସିଲର କଙ୍ଗାରକା ଗ୍ରାମର ବାସିନ୍ଦା ହନିଫଙ୍କ ପୁଅ ମହମ୍ମଦ ତାରିଫ ଭାବରେ ଚିହ୍ନଟ ହୋଇଛି। ହରିୟାଣା ପୋଲିସ ଏବଂ କେନ୍ଦ୍ରୀୟ ତଦନ୍ତ ଏଜେନ୍ସିଗୁଡ଼ିକ ନୁହ ଜିଲ୍ଲାରେ ପାକିସ୍ତାନୀ ଗୁପ୍ତଚର ନେଟୱାର୍କ ବିରୁଦ୍ଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ନୁହ ପୋଲିସ ଅଭିଯୁକ୍ତ ତାରିଫ ଏବଂ ପାକିସ୍ତାନୀ ହାଇକମିଶନର ଦୁଇ କର୍ମଚାରୀଙ୍କ ବିରୋଧରେ ତାଓରୁ ସଦର ଥାନାରେ ମାମଲା ରୁଜୁ କରିଛି। ଏପର୍ଯ୍ୟନ୍ତ ୯ ଜଣଙ୍କୁ ଗିରଫ କରାଯାଇଛି।
ଅପରେସନ ସିନ୍ଦୂର ଆରମ୍ଭ ହେବା ପରଠାରୁ, ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ମୋଟ ନଅ ଜଣଙ୍କୁ ଗିରଫ କରାଯାଇଛି:
- ଗାଜାଲା (ପଞ୍ଜାବରୁ ଗିରଫ)
- ୟାସିନ୍ ମହମ୍ମଦ
- ନୋମାନ ଇଲାହି (ଉତ୍ତରପ୍ରଦେଶର କୈରାନାରୁ ଗିରଫ)
- ଅରମାନ (ନୁହରୁ ଗିରଫ)
- ଦେବେନ୍ଦ୍ର ସିଂ ଧିଲନ୍ (କୈଥଲରୁ ଗିରଫ)
- ମହମ୍ମଦ ମୁର୍ତାଜା ଅଲି (ଗୁଜୁରାଟ ପୋଲିସ ଦ୍ୱାରା ଜଳନ୍ଧରରୁ ଗିରଫ)
- ଜ୍ୟୋତି ମାଲହୋତ୍ରା (ହରିଆଣାରୁ ଗିରଫ)
- ଶାହଜାଦ (ଉତ୍ତରପ୍ରଦେଶର ମୁରାଦାବାଦରୁ ଗିରଫ)
- ତାରିଫ୍ (ନୁହରୁ ଗିରଫ)