ଆଜି ନୂଆଦିଲ୍ଲୀରେ ମୋଦି-ନବୀନ ଭେଟ

ଆଜି ନୂଆଦିଲ୍ଲୀରେ ମୋଦି-ନବୀନ ଭେଟ। ଅପରାହ୍ନ ସାଢ଼େ ୪ଟା ବେଳେ ଉଭୟ ନେତାଙ୍କ ସାକ୍ଷାତକାର ରହିଛି। ୨ ଦିନ ପୂର୍ବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଭେଟିଥିଲେ।

ବିହାର ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ନବୀନ ପଟ୍ଟନାୟକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରୁଛନ୍ତି। ତେଣୁ ଏବେ ମୋଦିଙ୍କ ସହ ନବୀନଙ୍କ ଆଲୋଚନାକୁ ନେଇ ଅନେକ ଚର୍ଚ୍ଚା ହେଉଛି।

୨୦୨୪ ନିର୍ବାଚନକୁ ନେଇ ଉଭୟ ନେତାଙ୍କ ମଧ୍ୟରେ କିଛି ଆଲୋଚନା ହେବ କି ସେନେଇ ମଧ୍ୟ ଅନେକ ଚର୍ଚ୍ଚା ହେଉଛି। ୨୪ ନିର୍ବାଚନ ପୂର୍ବରୁ ମୋଦି-ନବୀନଙ୍କ ସାକ୍ଷାତ ବେଶ୍ ଗୁରୁତ୍ୱ ବହନ କରୁଛି। ଆଜିର ଆଲୋଚନାରେ ପ୍ରଧାନମନ୍ତ୍ରୀ ଆବାସ ସମ୍ପର୍କରେ ବି ଆଲୋଚନା ହୋଇପାରେ ବୋଲି କୁହାଯାଉଛି।