ମାଛ ମାର୍କେଟରେ ମରଣାନ୍ତକ ଆକ୍ରମଣ, ୪ ଗିରଫ

ପୁରୀ ଜିଲ୍ଲା କଣାସ ମାଛ ମାର୍କେଟରେ ନୃଶଂସ ଆକ୍ରମଣ ମାମଲାରେ ୪ ଗିରଫ । ଯୁବକଙ୍କୁ ଗୋଡ଼ାଇ ଗୋଡ଼ାଇ ପନିକିରେ ହାଣିବା ପରେ ଗାଡ଼ି ଚଢ଼ାଇ ହତ୍ୟା ଉଦ୍ୟମ ମାମଲାରେ ୪ ଜଣଙ୍କୁ ଗିରଫ କରିଛି ପୋଲିସ । ମରଣାନ୍ତକ ଆକ୍ରମଣର ଶିକାର ଯୁବକଙ୍କ ନାଁ ମୃତ୍ୟୁଞ୍ଜୟ ଭାରିମଳ । ଘର କଣାସ ଥାନା ଦୋକନ୍ଦା ଗାଁରେ । ଗୁରୁତର ମୃତ୍ୟୁଞ୍ଜୟଙ୍କୁ ଚିକିତ୍ସା ପାଇଁ ଭୁବନେଶ୍ୱର AIIMSରେ ଭର୍ତ୍ତି କରାଯାଇଛି । ସେ ଏବେ ଜୀବନ ସହ ସଂଗ୍ରାମ କରୁଛନ୍ତି। ପ୍ରାଥମିକ ତଦନ୍ତରୁ ପୂର୍ବ ଶତ୍ରୁତାରୁ ଆକ୍ରମଣ କରାଯାଇଥିବା ଜଣାପଡ଼ିଛି।

ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ମାଛ ବଜାରରେ ସ୍ପଷ୍ଟ ଦିବାଲୋକରେ ୩ରୁ ୬ ଜଣ ଦୁର୍ବୃତ୍ତ ଏକ ଧାରୁଆ ପନିକିରେ ମୃତ୍ୟୁଞ୍ଜୟଙ୍କୁ ନିର୍ମମ ଭାବେ ହାଣିବା ପରେ ତାଙ୍କ ଉପରେ ଗାଡ଼ି ଚଢ଼ାଇ ଦେଇଥିଲେ। ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମୃତ୍ୟୁଞ୍ଜୟ ପଡ଼ି ରହିଥିବା ବେଳେ ବଜାରରେ ଆତଙ୍କ ଖେଳାଇଥିଲେ ଅପରାଧୀ । କଣାସ ପୋଲିସ ଏବଂ ସ୍ପେଶାଲ ସ୍କ୍ୱାଡ୍ ତୁରନ୍ତ ତଦନ୍ତ ଆରମ୍ଭ କରି ଏହି ବର୍ବରକାଣ୍ଡରେ ସମ୍ପୃକ୍ତ ୩ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି। ଏଥିରେ ସଂପୃକ୍ତ ଅନ୍ୟ ଅପରାଧୀଙ୍କୁ ଧରିବା ପାଇଁ ଜନସାଧାରଣଙ୍କ ସହଯୋଗ ମଧ୍ୟ ଲୋଡ଼ିଛିପୋଲିସ ।