ତୁରେକେଲା ଟ୍ରେନ ଲାଇନ ପାରି ହେଲେ ହାତୀପଲ, ଆତଙ୍କିତ ଅବସ୍ଥାରେ ଅଞ୍ଚଳବାସୀ

ତୁରେକେଲା ଟ୍ରେନ ଲାଇନ ପାରି ହେଲେ ହାତୀପଲ ।  ବଲାଙ୍ଗିର ଜିଲ୍ଲା ତୁରେକେଲାରେ ୩୦ ଟିକିଆ ହାତୀପଲଙ୍କ ଉପଦ୍ରଵ ।  ବଙ୍ଗୋମୁଣ୍ଡା ରେଞ୍ଜର ବିଭିନ୍ନ ଗାଁରେ ଘର ଦ୍ବାର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରୁଛନ୍ତି ।  ଆତଙ୍କିତ ଅବସ୍ଥାରେ ରହିଛନ୍ତି ଅଞ୍ଚଳବାସୀ ।  ଗତ ୧ ମାସରୁ ଅଧିକ ସମୟ ହେବ ୩୦ଟିକିଆ ହାତୀପଲ ଉତ୍ପାତ ମଚାଇଛନ୍ତି ।  ଏହି ହାତୀପଲ ନୂଆପଡ଼ା ଜିଲ୍ଲା ତିଖାଲି ଅଞ୍ଚଲରୁ ଆସିଥିଲେ। ପରବର୍ତ୍ତୀ ସମୟରେ ହାତୀପଲରୁ ଗୋଟିଏ ହାତୀ ତିଖାଲି ଫେରି ଯାଇଛି ।

ଏବେ ୨୯ ଟି ହାତୀ ଅଞ୍ଚଳରେ ଘୁରି ବୁଲୁଛନ୍ତି ।  ଆଜି ସକାଳୁ ହାତୀପଲ ତୁରେକେଲା ରେଳ ଷ୍ଟେସନ ପାରି ହୋଇ ଲାଠୋର ରେଞ୍ଜକୁ ଯାଇଛନ୍ତି ।  ରେଲୱେ ଟ୍ରାକର ଗୋଟେ ପଟେ ଜଙ୍ଗଲ ଥିବା ବେଳେ ହାତୀମାନେ ଟ୍ରାକ ପାର କରି ଜଙ୍ଗଲ ଦେଇ ଲାଠୋର ରେଞ୍ଜକୁ ଯାଇଥିବା ସୂଚନା ମିଳିଛି ।  ବନବିଭାଗ ହାତୀଙ୍କ ଗତିବିଧି ଉପରେ ନଜର ରଖିଛି ।