ରୋଗୀଙ୍କୁ ଦେଲେନି, ପୋଡି ଦେଲେ ପେଟି ପେଟି ମେଡିସିନ୍

ରୋଗୀଙ୍କୁ ଦେଲେନି । ଫିଙ୍ଗିଦେଲେ ପେଟି ପେଟି ମେଡିସିନ୍ । କେଉଁଠି ଅଳିଆ ଗଦାରେ ପଡିଛି ତ ଆଉ କେଉଁଠି ପୋଡି ଦିଆଯାଇଛି । ବାଲେଶ୍ବର ଜିଲ୍ଲା ବାହାନଗା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ପରିସରରେ ଏଭଳି ଦୃଶ୍ୟ ଦେଖିବାକୁ ମିଳିଛି । ରୋଗୀଙ୍କ ପାଇଁ ଆସିଥିବା ଔଷଧ ଫିଙ୍ଗାଯିବା ସହ ପୋଡି ଦିଆଯାଇଛି । କିଛି ମେଡିସିନିର ଧାର୍ଯ୍ୟ ଅବଧି ୨୦୨୬ ପର୍ଯ୍ୟନ୍ତ ଥିଲେ ମଧ୍ୟ ତାକୁ ଫିଙ୍ଗିଦିଆଯାଇଛି । ଔଷଧର ଅବଧି ୭ମାସରୁ ଅଧିକ ସମୟ ଥିବାବେଳେ ରୋଗୀଙ୍କୁ ଦିଆନଯାଇ ପୋଡି ଦିଆଯାଇଛି ।  ଗୋଟିଏ କି ଦୁଇଟି ନୁହେଁ, ଅନେକ ମେଡିସିନକୁ ନଷ୍ଟ କରାଯାଇଛି । ବିଭିନ୍ନ ରୋଗ ପାଇଁ ସରକାରଙ୍କ ନିରାମୟ ଯୋଜନାରେ ଆସିଥିବା ଔଷଧ, ସିରପ୍, ଅଏଣ୍ଟମେଣ୍ଟ, ଇଞ୍ଜେକ୍ସନ ଆଦି ନଷ୍ଟ କରାଯାଇଛି ।  ଏହାସହ ଅଳିଆ ପକାଇବା ପାଇଁ ଥିବା କଂକ୍ରିଟ ଚ୍ୟାମ୍ବରରେ ବିଭିନ୍ନ କିଟ୍ ପ୍ୟାକେଟ ମଧ୍ୟ ପଡିଛି । ବିପୁଳ ପରିମାଣର ଔଷଧ ଫିଙ୍ଗାଯାଇଥିବା ଦେଖି ସାଧାରଣରେ ଅସନ୍ତୋଷ ପ୍ରକାଶ ପାଇଛି ।