ଧ୍ୱଂସ ହେଲା ଇରାନର ସରକାରୀ ଟିଭି କେନ୍ଦ୍ର, ଟିଭି ଚ୍ୟାନେଲ ମୁଖ୍ୟାଳୟ ଉପରେ ଇସ୍ରାଏଲର ବଡ଼ ଧରଣର ଆକ୍ରମଣ

ଧ୍ୱଂସ ହେଲା ଇରାନର ସରକାରୀ ଟିଭି କେନ୍ଦ୍ର । ଇରାନର ସରକାରୀ ଟିଭି ଚ୍ୟାନେଲ ମୁଖ୍ୟାଳୟ ଉପରେ ଇସ୍ରାଏଲର ବଡ଼ ଧରଣର ଆକ୍ରମଣ । ତେହେରାନରେ ଥିବା ଇରାନର ସରକାରୀ ପ୍ରସାରଣ କେନ୍ଦ୍ର (IRIB) କୁ ବୋମାମାଡ଼ କରି ସମ୍ପୂର୍ଣ୍ଣ ଭାବେ ନଷ୍ଟ କରିଦେଇଛନ୍ତି ଇସ୍ରାଏଲ ସେନା । ଏହି ସ୍ଥାନକୁ ଇରାନର ସେନା ମିଲିଟାରୀ କାର୍ଯ୍ୟକଳାପ ଏବଂ ପ୍ରଚାର ପାଇଁ ବ୍ୟବହାର କରୁଥିଲା । ଇସ୍ରାଏଲ କହିଛି , ଏହି ବିଲଡିଂଟି କେବଳ ଏକ ଟିଭି ଷ୍ଟେସନ ନୁହେଁ ବରଂ ଆତଙ୍କବାଦୀ କାର୍ଯ୍ୟକଳାପ ଓ ଯୋଗାଯୋଗର ଏକ ମୁଖ୍ୟ କେନ୍ଦ୍ର ଥିଲା । ତେବେ ଆକ୍ରମଣ ପୂର୍ବରୁ ଇସ୍ରାଏଲ ସେନା ସାଧାରଣ ଲୋକଙ୍କୁ ସେହି ସ୍ଥାନ ଛାଡ଼ି ପଳାଇବାକୁ ଚେତାବନୀ ଦେଇଥିଲା । ତେବେ ଅନେକ ବିଲଡିଂରେ ନିଆଁ ଲାଗିଯିବା ସହ କିଛି କର୍ମଚାରୀ ମୃତାହତ ହୋଇଥିବା ଖବର ମିଳିଛି । ବୋମାମାଡ଼ ଯୋଗୁଁ ଟିଭି ପ୍ରସାରଣ କିଛି ସମୟ ପାଇଁ ବନ୍ଦ ହୋଇଯାଇଥିଲା । ଏହି ସମୟରେ ଇରାନର ଚ୍ୟାନେଲଗୁଡ଼ିକୁ ହ୍ୟାକ୍ କରାଯାଇ ଇସ୍ରାଏଲ ପ୍ରଧାନମନ୍ତ୍ରୀ ଏବଂ ଆମେରିକା ରାଷ୍ଟ୍ରପତିଙ୍କ ସନ୍ଦେଶ ମଧ୍ୟ ପ୍ରସାରିତ କରାଯାଇଥିଲା ।