ମୁକୁଲଙ୍କୁ ଟାର୍ଗେଟ କଲେ ଦିଲ୍ଲୀପ
କୋଲକାତା: ବିଜେପି ଛାଡ଼ି ପୁଣିଥରେ ଟିଏମସିକୁ ଫେରିଛନ୍ତି ପଶ୍ଚିମବଙ୍ଗର ଚର୍ଚ୍ଚିତ ରାଜନେତା ମୁକୁଲ ରାୟ । ବିଜେପି ଛାଡ଼ିବା ପରେ ତାଙ୍କୁ ଭାଷାରେ ସମାଲୋଚନା କରିଛନ୍ତି ପଶ୍ଚିମବଙ୍ଗ ବିଜେପି ମୁଖ୍ୟ ଦିଲ୍ଲୀପ ଘୋଷ । ସେ କହିଛନ୍ତି କି ଯିଏ କଟ ମନିରେ ଅଭ୍ୟସ୍ତ ସେମାନେ ବିଜେପିରେ ରହିପାରିବେ ନାହିଁ । ‘ଆୟା ରାମ ଗେୟା ରାମ’ଙ୍କ ବିଷୟରେ ଳ ଚିନ୍ତା କରୁନାହିଁ । ପ୍ରତିଦିନ ଦଳରେ ଅନେକ କର୍ମକର୍ତ୍ତା ଯୋଗ ଦେଉଛନ୍ତି । ଏଣୁ କାହାର ଦଳ ଛାଡ଼ିବାକୁ ଆମେ ଏତେ ଗୁରୁତ୍ୱ ଦେଉନାହୁଁ ।
ସେ ଆହୁରି ମଧ୍ୟ କହିଛନ୍ତି ଯେ ବିଜେପି ସମସ୍ତଙ୍କୁ ଆଲିଙ୍ଗନ କରେ ଓ ଏହା ଏକ ଗଣତାନ୍ତ୍ରିକ ଢଙ୍ଗରେ କାର୍ଯ୍ୟ କରୁଥିବାରୁ ବ୍ୟକ୍ତିଙ୍କୁ ମଧ୍ୟ ଦାୟିତ୍ୱ ଦେଇଥାଏ। ସେ ଆହୁରି ମଧ୍ୟ କହିଛନ୍ତି ଯେ କିଛି ଅଛନ୍ତି ଯେଉଁମାନେ ଶୃଙ୍ଖଳା ଓ ଏହାର ଆଦର୍ଶ ପ୍ରତି ଏକ ପ୍ରତିବଦ୍ଧତା ସହିତ କାର୍ୟ୍ୟ କରିପାରିବେ ନାହିଁ ଜାଣିପାରନ୍ତି ତେଣୁ ସେମାନେ ଚାଲିଯାଆନ୍ତି।
ସୂଚନା ଥାଉକି, ୨୦୧୭ ମସିହାରେ ଚିଟଫଣ୍ଡ ମାମଲାରେ ଛନ୍ଦିହୋଇଥିବା ମୁକୁଲ ରାୟଙ୍କୁ ଟିଏମସିରୁ ବହିଷ୍କାର କରାଯାଇଥିଲା । ବିଜେପିରେ ଯୋଗ ଦେଇଥିବା ମୁକୁଲ ୨୦୧୯ ସାଧାରଣ ନିର୍ବାଚନରେ ବିଜେପିକୁ ଭଲ ସଫଳତା ଦେଇଥିଲେ । ରାଜ୍ୟରେ ଟିଏମସି ଲହର ଥାଇ ମଧ୍ୟ ତାଙ୍କ ନେତୃତ୍ୱରେ ୧୯ଟି ସାଂସଦ ଜିତିଥିଲେ । ତେବେ ନିକଟରେ ଯାଇଥିବା ପଶ୍ଚିମବଙ୍ଗ ସାଧାରଣ ନିର୍ବାଚନରେ ଟିଏମସିରୁ ଆସି ଶୁଭେନ୍ଦୁ ଅଧିକାରୀ ଯୋଗ ଦେଇଥିଲେ । ଏହାପରେ ମୁକୁଲଙ୍କୁ ଅଣଦେଖା କରିଥିଲା ଦଳ । ଶେଷରେ ବାଧ୍ୟ ହୋଇ ମମତାଙ୍କ ଶରଣରେ ଟିଏମସି ଯୋଗ ଦେଇଛନ୍ତି ମୁକୁଲ ।