ବନ୍ଦେ ଭାରତ ଟ୍ରେନ୍କୁ ଢେଲାମାଡ
ଏପ୍ରିଲ ୨୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେରଳରେ ପ୍ରଥମ ବନ୍ଦେ ଭାରତ ଏକ୍ସପ୍ରେସ୍ ଚଳାଚଳର ଶୁଭାରମ୍ଭ କରିଥିଲେ । ତେବେ ଏକ ସପ୍ତାହ ନପୁରୂଣୁ ମଙ୍ଗଳବାର ବନ୍ଦେ ଭାରତ ଟ୍ରେନ୍ ଉପରକୁ ଟେକାପଥର ମାଡ କରାଯାଇଥିବା ସଦର୍ଣ୍ଣ ରେଲୱେ ପକ୍ଷରୁ କୁହାଯାଇଛି । ଟ୍ରେନ୍ଟି କସରଗଡରୁ ତିରୁଅନନ୍ତପୁରମ ଯାତ୍ରା କରୁଥିଲା । ତିରୁନାଭାୟା ଏବଂ ତିରୁର୍ ଷ୍ଟେସନ ମଧ୍ୟରେ ଯାତ୍ରା କରୁଥିବାବେଳେ ଟେକାମାଡ ହୋଇଥିବା ଜଣାପଡିଛି ।
ଫଳରେ ଟ୍ରେନ୍ର କାଚ ଭାଙ୍ଗିଯାଇଛି । ଅବଶ୍ୟ ଟେକାମାଡରେ କେହି ଆହତ ହୋଇନାହାନ୍ତି । ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇଛି । ଏପ୍ରିଲ ୬ରେ ବିଶାଖାପାଟଣା ୟାର୍ଡରେ ସଫାସଫି ଚାଲିଥିବାବେଳେ ବନ୍ଦେ ଭାରତ ଏକ୍ସପ୍ରେସ ଉପରକୁ ଟେକାମାଡ ହୋଇଥିଲା । ସେହିପରି ଗତ ମାର୍ଚ୍ଚରେ ପଶ୍ଚିମବଙ୍ଗର ମୁର୍ଶିଦାବାଦ ଜିଲ୍ଲାରେ ଟେକାପଥର ମାଡରେ ବନ୍ଦେ ଭାରତ ଏକ୍ସପ୍ରେସ୍ର କାଚ ଭାଙ୍ଗିଯାଇଥିଲା ।