ଟିଟିଲାଗଡ଼ରେ କୋଇଲା ବୋଝେଇ ଟ୍ରେନର ବଗିକୁ ଛାଡି ଚାଲିଗଲା ଇଞ୍ଜିନ

ଟିଟିଲାଗଡ଼ରେ ଟ୍ରେନକୁ ନେଇ ପୁଣି ଏକ ଅଘଟଣ ଘଟିଛି । ଏକ କୋଇଲା ବୋଝେଇ ଟ୍ରେନର ବଗିକୁ ଛାଡି ଚାଲିଗଲା ଇଞ୍ଜିନ । ଟ୍ରେନରୁ ଇଞ୍ଜିନ ଓ ବଗି ଅଲଗା ହେବାପରେ ପ୍ରାୟ ୧ ଘଣ୍ଟା ଧରି ରେଳ ଚଳାଚଳରେ ବାଧା ସୃଷ୍ଟି ହୋଇଥିଲା ।ସୂଚନା ଅନୁସାରେ, ସମ୍ବଲପୁରରୁ ଡବଲ ଡାଇମଣ୍ଡ କୋଇଲା ବୋଝେଇ ଟ୍ରେନ ବଲାଙ୍ଗୀର ଯାଉଥିବା ବେଳେ ଏମିତି ଏକ ଦୁର୍ଘଟଣାର ସମୁଖିନ୍ନ ହୋଇଥିଲା । ଟ୍ରେନଟି ବଲାଙ୍ଗୀର ଦେଇ ଟିଟିଲାଗଡ଼ ରେଳ ଷ୍ଟେସନରେ ପହଞ୍ଚିବା ପୂର୍ବରୁ ଖଜୁରପଡା ଫାଟକରେ ଇଂଜିନରୁ ୮ଟି ବଗି  ଅଲଗା ହୋଇ ରେଳ ଲାଇନ୍ ଉପରେ ରହିଯାଇଥିଲା । ଟିଟିଲାଗଡ଼ ରେଳଷ୍ଟେସନକୁ ଖବର ଦେବାପରେ ବୈଷୟିକ ଟିମ ଆସି  ଅଲଗା ହୋଇଥିବା ବଗିଗୁଡିକୁ  ଯାଞ୍ଚ କରିଥିଲେ । ପୁଣି ଟ୍ରେନଟିକୁ ପଛକୁ ଫେରାଇ ଅଲଗା ହୋଇଯାଇଥିବା ବଗିଗୁଡିକୁ ସଂଯୋଗ କରିଥିଲେ। । ଟ୍ରେନଟି ମାଲବାହୀ ଥିବାରୁ କିଛି କ୍ଷତି ହେଲା ନାହଁ । ବାହାନଗା ରେଳ ଦୁର୍ଘଟଣା ପରଠାରୁ ରାଜ୍ୟ ଓ ଦେଶରେ ରେଳ ଦୁର୍ଘଟଣା ବଢ଼ିବାରେ ଲାଗିଛି । ଟ୍ରେନ ଦୁର୍ଘଟଣାରେ କେତେ ଧନଜୀବନ ନଷ୍ଟ ହେଉଛି ସେ କଥା ଭାବିଲେ ଭୟ ଲାଗୁଛି ।