କେଜ୍ରିୱାଲଙ୍କୁ ମିଳିବ କି ଜାମିନ

ଅବକାରୀ ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ଗିରଫ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଅନ୍ତରୀଣ ଜାମିନ ନେଇ ସୁପ୍ରିମକୋର୍ଟ ମେ ୧୦ରେ ରାୟ ପ୍ରକାଶ କରିବେ। ଗିରଫ ବିରୋଧରେ କେଜ୍ରିୱାଲଙ୍କ ଆବେଦନ ଉପରେ ଶୁଣାଣି କରୁଥିବା ଖଣ୍ଡପୀଠର ଅଧ୍ୟକ୍ଷତା କରୁଥିବା ଜଷ୍ଟିସ ସଞ୍ଜୀବ ଖାନ୍ନା କହିଛନ୍ତି, ଶୁକ୍ରବାର ଦିନ ଆମେ ଅନ୍ତରୀଣ ଆଦେଶ ଶୁଣାଇବୁ। ଗିରଫଦାରୀ ବିରୋଧରେ କେଜ୍ରିୱାଲଙ୍କ ମୁଖ୍ୟ ଆବେଦନ ଉପରେ ମଧ୍ୟ ସେହି ଦିନ ଶୁଣାଣି ହେବ। ”

ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପଙ୍କର ଦତ୍ତାଙ୍କ ଖଣ୍ଡପୀଠ ମଙ୍ଗଳବାର କେଜ୍ରିୱାଲଙ୍କ ଜାମିନ ଆବେଦନ ନେଇ ଉଭୟ ପକ୍ଷର ଯୁକ୍ତି ଶୁଣିବା ପରେ ରାୟ ସଂରକ୍ଷିତ ରଖିଥିଲେ।

ଇଡି ପାଇଁ ହାଜର ହୋଇଥିବା ସଲିସିଟର ଜେନେରାଲ ତୁଷାର ମେହେଟ୍ଟା ଲୋକସଭା ନିର୍ବାଚନ ଯୋଗୁଁ କେଜ୍ରିୱାଲଙ୍କ ପ୍ରତି କୌଣସି ଦୟା ପ୍ରଦର୍ଶନ କରିବାକୁ ଦୃ ବିରୋଧ କରିଥିଲେ । ସେ କହିଥିଲେ ଆମ୍ ଆଦମୀ ପାର୍ଟି (ଆପ୍) ଜାତୀୟ ଆବାହକଙ୍କୁ ଅନ୍ତରୀଣ ଜାମିନ ପ୍ରଦାନ କରାଗଲେ ନେତାଙ୍କ ପାଇଁ ଏକ ‘ସ୍ବତନ୍ତ୍ର ବର୍ଗ’ ସୃଷ୍ଟି କରିବା ସଦୃଶ ହେବ ।

ଗିରଫଦାରୀ ବିରୋଧରେ କେଜ୍ରିୱାଲଙ୍କ ଆବେଦନ ଉପରେ ଶୁଣାଣି ଦୁଇ ଭାଗରେ ଚାଲିଛି। କେଜ୍ରିୱାଲଙ୍କ ମୁଖ୍ୟ ଆବେଦନରେ ଇଡି ଦ୍ଵାରା ତାଙ୍କ ଗିରଫକୁ ଚ୍ୟାଲେଞ୍ଜ କରାଯାଇଛି ଏବଂ ଏହାକୁ ବେଆଇନ ଘୋଷଣା କରିବାକୁ ଅନୁରୋଧ ହୋଇଛି । ଆବେଦନର ଦ୍ବିତୀୟ ଭାଗ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ପ୍ରଚାର କରିବା ପାଇଁ ଅନ୍ତରୀଣ ଜାମିନ ସହ ଜଡ଼ିତ। କୋର୍ଟ ଅନ୍ତରୀଣ ଜାମିନ ମାମଲାରେ ରାୟ ସଂରକ୍ଷିତ ରଖିଛନ୍ତି।

ଅବକାରୀ ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ଇଡି ମାର୍ଚ୍ଚ ୨୧ରେ କେଜ୍ରିୱାଲଙ୍କୁ ଗିରଫ କରିଥିଲା। ଦିଲ୍ଲୀ ମୁଖ୍ୟମନ୍ତ୍ରୀ ସମ୍ପ୍ରତି ତିହାର ଜେଲରେ ବନ୍ଦୀ ଅଛନ୍ତି।