ଶାଶୁକୁ ମାରିଲା ଜ୍ୱାଇଁ

ଯାଜପୁର: ଜିଲ୍ଲା କୋରାଇ ଥାନା ମୁଳୁସରଗଡା ଗ୍ରାମରେ ଅଭାବନୀୟ ଘଟଣା ଘଟିଛି । ପାରିବାରିକ କଳହକୁ ନେଇ ଶାଶୂଙ୍କୁ ମରଣାନ୍ତକ ଆକ୍ରମଣ ଜ୍ୱାଇଁ କରିଛନ୍ତି। ଜ୍ୱାଇଁଙ୍କ ଛୁରା ମାଡ଼ରେ ଶାଶୁ ଗୁରୁତର ଆହତ ହୋଇଛନ୍ତି। ଗୁରୁତର ଅବସ୍ଥାରେ ମହିଳାଙ୍କୁ ପ୍ରଥମେ ଯାଜପୁର ରୋଡ଼ ମେଡିକାଲରେ ପ୍ରାଥମିକ ଚିକିତ୍ସା କରାଯାଇ ପରେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ଆହତ ମହିଳାଙ୍କ ନାମ ମଞ୍ଜୁଲତା ସାହୁ ବୋଲି ଜଣାପଡିଛି। ତାଙ୍କ ଘର ସ୍ଥାନୀୟ ଶଂଖଚିଲା ଅଞ୍ଚଳରେ । ଗତ କିଛିଦିନ ହେବ ମୁଳୁସରଗଡା ଗ୍ରାମରେ ସେ ତାଙ୍କ ପରିବାର ସହ ଭଡ଼ାରେ ରହୁଥିଲେ। ତେବେ ପାରିବାରିକ କଳହକୁ କେନ୍ଦ୍ରକରି ଏହି ଛୁରା ମାଡ ହୋଇଥିବା ସୂଚନା ମିଳିଛି। ଅଭିଯୁକ୍ତ ଜ୍ୱାଇଁ ଫେରାର ହୋଇଯାଇଛନ୍ତି।